Германскиот канцелар Олаф Шолц е уверен дека ќе може да постигне договор со новоизбраниот американски претседател Доналд Трамп за заедничка стратегија за Украина, рече Шолц во интервју за медиумската групација Funke.
„Убеден сум дека можеме да развиеме заедничка стратегија за Украина. Мојот водечки принцип останува дека ништо не може да се реши без да се даде глас на украинскиот народ“, рече Шолц во интервјуто.
Додаде дека имал „детален“ телефонски разговор со идниот американски претседател, а неговиот тим е во директна комуникација со советниците за безбедност на Трамп.
Украина се „обликува“ како главното прашање во кампањата за предвремените избори во Германија во февруари, кои уследија по колапсот на трипартиската владејачка коалиција на Шолц во Берлин минатиот месец.
Фридрих Мерц, конзервативниот опозициски лидер за кој се верува дека е „на пат“ да го собори Шолц, рече дека Германија треба да испрати крстосувачки ракети „Taurus“, на што Шолц се противи бидејќи поради карактерот на ова вооруживање тоа претпоставува непосредно манипулирање на германски офицери со него а тоа може да го ескалира судирот и ја вклучува земјата директно во војната со Русија.
Шолц најави нова воена помош за Украина во понеделникот за време на ретката посета на Киев, велејќи дека тоа е исто така порака до рускиот претседател Владимир Путин дека Берлин ќе стои покрај Киев во војната „сѐ додека е потребно“.
Слични новости
Путин: Со Украина не е договорен мир поради „човекот со чудна фризура“
Претседателот на Русија, Владимир Путин, на традиционалната прес-конференција за крајот на годината, го обвини „човекот со чудна фризура“ дека и забранил на Украина да договори мир
Зеленски: Единството на САД и ЕУ е неопходно за мир и запирање на Путин
За праведен мир во Украина и за „запирање“ на рускиот претседател Владимир Путин, потребно е единство на САД и Европската унија, како и во рамките на самата ЕУ, изјави во четвртокот украинскиот претседател Володимир Зеленски
ХРВ: Ускратувањето вода од страна на Израел во Газа е чин на геноцид
Меѓународната организација за човекови права Human Rights Watch (HRW) во извештајот во четвртокот соопшти дека Израел убил илјадници Палестинци во Газа со тоа што им го ускратил пристапот до чиста вода, што според неа правно е чин на геноцид и истребување