Речиси 6.000 луѓе го напуштиле Санторини во изминатите 48 часа поради потресите што продолжуваат да го погодуваат грчкиот туристички остров, како и соседниот Аморгос, објавија во вторник грчките власти.
Околу 4.640 патници се качиле на четири фериботи кои го напуштија светски познатиот вулкански остров од неделата, според податоците дадени за AFP од грчката крајбрежна стража во вторникот.
Грчкиот авиопревозник „Aegean Airlines“ соопшти дека превезол 1.294 патници од Санторини до Атина во понеделникот, оперирајќи вкупно девет летови, од кои пет не биле вонредни.
Два ферибота треба да тргнат од Санторини во текот на денот за Пиреја, главното пристаниште во близина на Атина.
„Аegean Airlines“ планира осум летови во вторник со „вкупен капацитет од повеќе од 1.400 седишта“ и во соопштението се вели дека сѐ уште има слободни места.
Земјотрес со јачина од 4,9 степени според Рихтеровата скала е регистриран во Егејското Море, на околу 31 километар од Санторини, во вторникот околу 04:45 часот по локално време, соопшти Геодинамичкиот институт на Атинската опсерваторија.
Набргу потоа, нов земјотрес со јачина од 4,7 степени го погоди истото подрачје.
Регистрирани се и други помали земјотреси, а грчките научници предупредија дека сеизмичката активност, која е засилена од саботата, може да трае со седмици.
Слични новости
Бојкот на супермаркетите низ целиот балкански регион
Според примерот на успешната граѓанска акција во Хрватска, за денеска е најавен бојкот и во Македонија, Србија, Хрватска, Босна и Херцеговина и Црна Гора, а во Словенија веќе е во тек бојкот на некои супермаркети.
Второ гласање во грчкиот Парламент за избор на претседател на Грција
Грчките пратеници претпладнево одново ќе гласаат за претседател на државата, откако во саботата, при првото гласање, ниту еден од четворицата кандидати не го доби потребното двотретински мнозинство, нешто што се очекува да се случи и на денешното второ гласање.
Белградските студенти пешки до Нови Сад на заеднички блокади
Студентите од Нови Сад организираат блокада на мостовите Варадинскиот, Жежељовиот и Мостот на слободата, а акцијата ја нарекоа „Три месеца – три моста“, покрај колегите од Белград, ќе им се придружат, како што најавија, и бројни јавни личности и претставници на организации од регионот