Речиси 6.000 луѓе го напуштиле Санторини во изминатите 48 часа поради потресите што продолжуваат да го погодуваат грчкиот туристички остров, како и соседниот Аморгос, објавија во вторник грчките власти.
Околу 4.640 патници се качиле на четири фериботи кои го напуштија светски познатиот вулкански остров од неделата, според податоците дадени за AFP од грчката крајбрежна стража во вторникот.
Грчкиот авиопревозник „Aegean Airlines“ соопшти дека превезол 1.294 патници од Санторини до Атина во понеделникот, оперирајќи вкупно девет летови, од кои пет не биле вонредни.
Два ферибота треба да тргнат од Санторини во текот на денот за Пиреја, главното пристаниште во близина на Атина.
„Аegean Airlines“ планира осум летови во вторник со „вкупен капацитет од повеќе од 1.400 седишта“ и во соопштението се вели дека сѐ уште има слободни места.
Земјотрес со јачина од 4,9 степени според Рихтеровата скала е регистриран во Егејското Море, на околу 31 километар од Санторини, во вторникот околу 04:45 часот по локално време, соопшти Геодинамичкиот институт на Атинската опсерваторија.
Набргу потоа, нов земјотрес со јачина од 4,7 степени го погоди истото подрачје.
Регистрирани се и други помали земјотреси, а грчките научници предупредија дека сеизмичката активност, која е засилена од саботата, може да трае со седмици.
Слични новости
Италијанскиот суд повторно ја блокираше одлуката на Мелони за приведување мигранти во Албанија
Судот во Рим денеска повторно нареди групата мигранти која е притворена во камповите во Албанија да биде преместена во Италија, наведуваат судски извори, што е најнов удар врз планот на премиерката Џорџа Мелони за сузбивање на илегалната имиграција по морски пат.
Вучиќ: Можете да ме убиете, но нема да има преодна или експертска влада
Српскиот претседател Александар Вучиќ вечерва во Трстеник изјави дека нема да има преодна или привремена влада. Тој додаде дека може да има избори или референдум, но додека тој е жив нема да има сервилна влада предводена од белосветски крадци
Низа училишта во Грција добиле лажни заканувачки мејлови, испратени од Русија, за поставени бомби
Заканувачки мејлови за поставени експлозивни направа, кои се покажале како лажни, утрово биле испратени во низа грчки училишта, а истрагата покажала дека се испратени од седум ИП адреси од Русија, информираа од Министерството за образование, религија и спорт на Грција