Шведската полиција во вторникот објави дека околу десет луѓе биле убиени во напад во училиште за образование на возрасни лица во Шведска, и дека верува дека напаѓачот е меѓу загинатите.
Иако сѐ уште не се познати мотивите на напаѓачот, полицијата изјавила дека верува дека дејствувал сам и дека најверојатно не се работи за терористички напад.
Престрелката се случила во Еребру во ценралниот дел на земјата, на околу 200 километри западно од Стокхолм, во училиштето Рисбергска за возрасни кои не го завршиле своето формално образование или немале добри оценки за да продолжат со високото образование. Училиштето се наоѓа на кампус во кој се сместени и училишта за деца.
Во престрелката нема повредени полицајци, соопшти полицијата. Екипи на брзата помош, спасувачките служби и полицијата и до доцна попладнето се на местото на настанот, изјави портпаролот на локалните спасувачки служби.
Шведскиот министер за правда Гунар Стромер изјави за Reuters дека владата е во непосреден контакт со полицијата и внимателно го следи развојот на настаните.
Шведска се соочува со низа престрелки и бомбашки напади предизвикани од ендемичен проблем на криминалните банди, иако смртоносните напади во училиштата сè уште се ретки.
Десет лица се убиени во седум инциденти на смртоносно насилство во училиштата меѓу 2010 и 2022 година, покажуваат податоците на Шведскиот национален совет за спречување на криминал.
Во едно од најистакнатите вакви злосторства во изминатата деценија, 21-годишен маскиран вооружен напаѓач, воден од расистички мотиви, уби асистент и момче и рани уште две лица во 2015 година.
Слични новости
Вработените во FBI мора да ги откријат своите улоги во истрагите за нападот на Капитол
Вработените во американското Федерално биро за истраги (FBI) во неделата добиле наредба да одговорат на прашалникот за секоја активност што можеби ги вршеле во однос за кривичните случаи поврзани со упадот на вашингтонски Капитол на 6 јануари 2021 година
Европа предупредува на економски штети од трансатлантската трговска војна
Високата претставничка за надворешна политика на Европската унија, Каја Калас, рече дека ако САД и Европа започнат трговска војна, „тогаш таа што се смее отсрана е Кина“
Експлозија во Москва: Високо рангиран проруски паравоен припадник почина во болница
Армен Саркисијан, висок припадник на проруските паравоени сили од источна Украина, почина во понеделник во болница од повреди здобиени во експлозија на бомба во станбен комплекс во Москва