Финансиските придонеси на Швајцарија за Европската унија значително ќе се зголемат според новиот договор за зајакнување на билатералните трговски односи за кој преговараа Брисел и Берн, објави во средата швајцарската телевизија SRF.
Цитирајќи извори, SRF наведува дека Швајцарија најверојатно ќе плаќа околу 350 милиони швајцарски франци годишно за поддршка на економскиот развој во источноевропските земји, од 130 милиони франци според сегашниот аранжман. Оваа сума може да се промени, бидејќи преговорите сѐ уште се во тек. Се очекува договорот да биде постигна до Божик.
Од швајцарското Министерство за надворешни работи не сакале за Reuters да ја коментираат веста. Европската комисија, исто така, не одговорила на барањето за коментар.
Дипломатски извори, пак, за Reuters изјавиле дека швајцарските финансиски придонеси најверојатно ќе се зголемат, но дека преговорите сѐ уште се во тек. Европскиот дипломат рекол дека преговорите напредуваат, но дека сѐ уште не е договорен швајцарскиот финансиски придонес. Неименуваниот дипломат рекол дека се надеваат дека ќе биде можен договор „во наредните денови и седмици“.
Швајцарскиот весник Neue Zuercher Zeitung минатиот месец објави дека Швајцарија може да плаќа дури 450 милиони евра годишно, приближно исто како Норвешка, повикувајќи се на пресметки на CH Media и извори во Берн.
Швајцарија од 2007 година финансира развојни проекти во земјите-членки на ЕУ со цел да се намали економската нееднаквост во Унијата. Швајцарската влада посочува дека ова е доброволно изразување солидарност, а не фиксен дел од договорот со Унијата. Според новиот договор, ЕУ сака овие придонеси за кохезија да станат обврзувачки, објави SRF.
Слични новости
ХРВ: Ускратувањето вода од страна на Израел во Газа е чин на геноцид
Меѓународната организација за човекови права Human Rights Watch (HRW) во извештајот во четвртокот соопшти дека Израел убил илјадници Палестинци во Газа со тоа што им го ускратил пристапот до чиста вода, што според неа правно е чин на геноцид и истребување
Зеленски разговарал со шефот на НАТО и европските лидери за безбедносните гаранции на Украина
Украинскиот претседател Володимир Зеленскии во средата вечерта разговарал со генералниот секретар на НАТО, Марк Руте, и други европски челници, со цел да добие итна помош за зајакнување на воените напори на Киев и да разговара за долгорочните безбедносни гаранции
Зеленски вели дека разговарал со Макрон за можното распоредување странски војници во Украина
Украинскиот претседател Володимир Зеленски во средата вечерта изјави дека разговарал со неговиот француски колега по должност Емануел Макрон за неговиот предлог за распоредување странски војници во Украина како „начин за постигнување стабилен мир“