Швајцарскиот извоз стагнираше во третиот квартал, при што пратките на хемиски и фармацевтски производи се стабилизираа, покажаа царинските податоци објавени во вторникот.
Вредноста на пратките изнесуваше 66,5 милијарди франци во периодот од јули до септември и во реални услови беше на ниво од претходниот квартал, кога беше намалена за 1,2 отсто.
Вредноста на увозот, пак, се зголеми за 1,8 отсто, на 56,3 милијарди франци. Во пролетниот квартал, беше за 3,8 отсто пониска отколку на почетокот на годината.
Номинално, извозот се намалил за 3,9 отсто во летните месеци на квартална основа, додека увозот се намалил за 0,6 отсто.
Трговскиот биланс за третиот квартал покажа суфицит од 10,2 милијарди франци, или за 19 отсто помалку отколку во претходните три месеца.
Кварталната споредба покажува реално намалување на испораките на фармацевтски и хемиски производи во периодот од јули до септември за 1,9 отсто. Напролет, нивната вредност се намали за 3,6 отсто во реални услови, а на почетокот од годината за дури 8,9 отсто, според царинските податоци.
Извозот на храна потона за 2,9 отсто во реални услови во летните месеци, речиси трипати повеќе отколку во периодот од април до јуни.
Извозот на часовници, исто така, значително е намален, за 2,5 отсто.
Испораките во САД се намалија за 8,2 отсто во номинални услови на квартална основа, многу помалку отколку во пролетните месеци кога потонаа за повеќе од 30 отсто.
Во третиот квартал, САД ја потврдија својата позиција како водечки пазар за швајцарските извозници, според вредноста на пратките од 11,68 милијарди франци. Во август, Германија накратко ја освои „титулата“, а се приближи и до САД во однос на вредноста на испорачаните швајцарски стоки во целиот трет квартал, покажуваат податоците.
Слични новости
Швајцарците јасно го отфрлија данокот за супербогатите
Швајцарците јасно со 79 отсто од гласовите на излезените на референдумот во неделата го отфрлија предлогот за воведување данок од 50 отсто на наследство во вредност од 50 милиони швајцарски франци и повеќе, објави јавниот радиодифузен сервис SRF во првичната проценка на резултатите
Светските берзи силно пораснаа во очекување на намалување на каматната стапка во САД
Светските берзи силно пораснаа минатата седмица, поттикнати од закрепнувањето во технолошкиот сектор и надежите на инвеститорите дека американската централна банка дополнително ќе ги намали каматните стапки во декември
Доларот падна во однос на кошничката со валути, еврото зајакна
На глобалните пазари, вредноста на американскиот долар во однос на кошничката валути значително падна минатата седмица, бидејќи инвеститорите веруваат дека американската централна банка дополнително ќе ги намали клучните каматни стапки во декември