Швајцарската влада објави во петокот дека американските царини за нејзиниот извоз ќе бидат намалени од 39 на 15 отсто и му се заблагодари на американскиот претседател Доналд Трамп за неговиот „конструктивен ангажман“.
Владата во Берн објави на платформата X дека американските царини ќе бидат намалени на 15 отсто, на исто ниво како и производите што Европската унија ги извезува во САД. Швајцарија, инаку, не е членка на ЕУ.
„Благодарност за претседателот Доналд Трамп на конструктивниот ангажман“, напиша владата на својот официјален профил на X.
Деталите за постигнатиот договор ќе бидат објавени подоцна во текот на денот.
Претходно, владин претставник во Берн, зборувајќи под услов да остане анонимен, изјави дека швајцарските претставници презентирале план за намалување и елиминирање на трговскиот суфицит со САД, додавајќи дека американските претставници очекуваат значително намалување на швајцарските царини за американските производи, како и намалување на нецаринските бариери.
Швајцарија имаше суфицит на стоки со Соединетите држави од 38,3 милијарди долари во 2024 година, според официјалните податоци на САД. Оваа бројка се искачи на 55,7 милијарди долари до јули оваа година, првенствено одразувајќи го растот на американскиот увоз од Швајцарија во текот на првиот годинешен квартал, пред Трамп да ги воведе своите „реципрочни“ царини на почетокот од април.
Слични новости
Цените на нафтата на 64 долари
Цените на нафтата се искачија на 64 долари во петокот на меѓународните пазари, а инвеститорите шпекулираат дека намалената понуда од Венецуела во случај на воена интервенција на САД ќе ги принуди кинеските и американските рафинерии да бараат замена
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации