Чилеанците излегуваат на гласачки места во неделата за да изберат нов претседател, спротивставувајќи ја владејачката левица против крајната десница по кампањата обележана со страв од криминал и отпор кон имиграцијата.
Иако една од најбезбедните земји во Латинска Америка, Чиле се соочи со раст на организираниот криминал последните години, проблем што беше во центарот на изборната кампања во која левицата и крајната десница наметнаа свој безбедносен наратив.
Претседателот Габриел Борич, кој е од хрватско потекло, не може да се кандидира за втор мандат поради уставните ограничувања.
Комунистката, 51-годишната Жанет Хара, кандидатката на владејачката централно-левичарска коалиција, води на анкетите, но влегува на изборите во неповолен контекст. Иако ужива поголема поддршка од гласачите отколку нејзиниот крајно десничарски ривал Хозе Антонио Каста, анкетите на јавното мислење предвидуваат победа за десничарскиот или крајно десничарскиот кандидат во вториот круг.
Педесет идеветгодишниот Хозе Антонио Каст, татко на девет деца, трет пат се кандидитар за претседател. Во 2021 година, тој беше поразен од Габриел Борич, кој беше избран по бранот ветувања за спроведување длабоки социјални реформи и усвојување нов устав што ќе го замени оној од диктатурата на Аугусто Пиноче (1973-1990). Но, по двата неуспешни обида за уставна реформа и експлозија на криминал, што често се припишува на доаѓањето на странски банди, неговите амбиции се намалија.
Во овој контекст, сè повеќе гласачи бараат силна влада, а некои одат дотаму што го оплакуваат поранешниот диктатор, одговорен за повеќе од 3.000 смртни случаи и исчезнувања. Каст, основачот на крајно десничарската Републиканска партија, е син на германски поручник кој избегал во Јужна Америка по Втората светска војна. Неговиот татко бил нацист, а неговиот брат бил министер под Пиноче, што ги намалило неговите шанси на последните избори.
Либертаријанецот, 49-годишниот Јоханес Кајзер ги освои симпатиите на некои гласачи со ветувања за протерување на сите нелегални имигранти од земјата. Кајзер, како и Каст, е од германско потекло и некогаш бил член на неговата Републиканска партија.
Кандидатот на Народната партија (десен центар) Франко Париси, од друга страна, рече дека би можел да ја минира границата меѓу Чиле и Боливија за да ја спречи имиграцијата.
На левицата, Жанет Хара се обиде да ги намали своите врски со Комунистичката партија, на која ѝ припаѓа уште од адолесценцијата, тврдејќи дека може да ја напушти ако победи. Поранешната министерка за труд во владата на Борич се залага за политика на економски раст во комбинација со социјална правда, додека ветува зајакнување на полицијата и контролата на миграцијата.
Слични новости
Трамп ја изостави Северна Кореја во својата безбедносна стратегија, можно обновување на дипломатијата
Новиот план на американскиот претседател Доналд Трамп за глобална безбедност повеќе не вклучува денуклеаризација на Северна Кореја, што ги поттикнува шпекулациите дека Вашингтон се стреми да ги зголеми шансите за дипломатски напредок со Пјонгјанг во 2026 година
Маск ја спореди ЕУ со нацистите, X го затвори рекламниот профил на ЕК
Два дена откако Европската унија изрече голема казна на платформата X, социјалната мрежа ја затвори својата рекламна сметка на Европската комисија, а сопственикот Илон Маск ја спореди Унијата со нацистичка Германија
Нетанјаху: Израел ќе остане во тампон-зоната во јужна Сирија
Израел има намера да остане во тампон-зоната во јужна Сирија, изјави премиерот Бенјамин Нетанјаху на состанокот со израелските амбасадори, според извештаите на локалните медиуми