Два месеца откако објави во Барселона дека се повлекува во играчка пензија, легендата на шпанскиот фудбал Андрес Иниеста се збогуваше со својата богата играчка кариера во неделата во Токио на егзибиционен натпревар меѓу поранешните познати тимови Барселона и Реал Мадрид.
Пред повеќе од 45.000 навивачи во Токио, Иниеста ги покажа последните фудбалски потези и трикови, кои му овозможија двапати да го освои ЕУРО (2008, 2012) и еднаш Светското првенство (2010).
Се погрижи за заминување во голем стил со тоа што уфрли центаршут во последната минута, кој одбраната на Реал Мадрид го пренасочи во сопствената мрежа и им донесе победа на каталонските ривали од 2:1.
Иниеста играше во Токио со својот поранешен партнер од средниот ред Чави Ернандез, но и Ривалдо, Рафаел Маркез и Хавиер Савиола во тимот на Барселона. Дел од тимот на Реал беа Роберто Карлос, Фабио Канаваро и Икер Касиљас.
„Мислам дека тоа беше одличен натпревар за јапонските навивачи“, изјави Иниеста, кој кариерата ја заврши во Висел Кобе пет години откако ја напушти Барселона во 2018 година.
Иниеста освои вкупно 32 трофеи со Барса, вклучувајќи четири Лиги на шампиони (2006, 2009, 2011, 2015) и девет национални првенства (Ла Лига), кои ги сподели со Лионел Меси, кој беше негов соиграч во поголемиот дел од сезоните. По 16 сезони во Барса, а потоа и завршување на кариерата во Јапонија и Емирати, „Дон Андрес“ сега на 40-годишна возраст ќе ја започне својата тренерска кариера.
„Размислувам да добијам тренерска диплома и сакам да видам каде ќе ме однесе кариерата“, изјави Иниеста за новинарите.
Слични новости
Јуве прв четвртфиналист во Купот на Италија
Фудбалерите на Јувентус се пласираа во четвртфиналето на Купот на Италија, победувајќи на својот стадион Каљари со убедливи 4:0
Евролига: Домашни порази на Партизан и Париз
Кошаркарите на Партизан во еден од најнеизвесните дуели на вечерта беа поразени на домашен паркет од екипата на Асвел со резултат 79:82 во 16. коло од Евролигата
FIFA The Best: Најдобар играч на Винисиус Жуниор, втор трофеј за Аитана Бонмати
Во изборот за оваа награда преку официјалниот онлајн портал на ФИФА учествуваа капитените и селекторите на репрезентациите, претставници на медиумите и навивачите, а секој од нив ги рангираше тројцата најдобри