Два месеца откако објави во Барселона дека се повлекува во играчка пензија, легендата на шпанскиот фудбал Андрес Иниеста се збогуваше со својата богата играчка кариера во неделата во Токио на егзибиционен натпревар меѓу поранешните познати тимови Барселона и Реал Мадрид.
Пред повеќе од 45.000 навивачи во Токио, Иниеста ги покажа последните фудбалски потези и трикови, кои му овозможија двапати да го освои ЕУРО (2008, 2012) и еднаш Светското првенство (2010).
Се погрижи за заминување во голем стил со тоа што уфрли центаршут во последната минута, кој одбраната на Реал Мадрид го пренасочи во сопствената мрежа и им донесе победа на каталонските ривали од 2:1.
Иниеста играше во Токио со својот поранешен партнер од средниот ред Чави Ернандез, но и Ривалдо, Рафаел Маркез и Хавиер Савиола во тимот на Барселона. Дел од тимот на Реал беа Роберто Карлос, Фабио Канаваро и Икер Касиљас.
„Мислам дека тоа беше одличен натпревар за јапонските навивачи“, изјави Иниеста, кој кариерата ја заврши во Висел Кобе пет години откако ја напушти Барселона во 2018 година.
Иниеста освои вкупно 32 трофеи со Барса, вклучувајќи четири Лиги на шампиони (2006, 2009, 2011, 2015) и девет национални првенства (Ла Лига), кои ги сподели со Лионел Меси, кој беше негов соиграч во поголемиот дел од сезоните. По 16 сезони во Барса, а потоа и завршување на кариерата во Јапонија и Емирати, „Дон Андрес“ сега на 40-годишна возраст ќе ја започне својата тренерска кариера.
„Размислувам да добијам тренерска диплома и сакам да видам каде ќе ме однесе кариерата“, изјави Иниеста за новинарите.
Слични новости
Кошркарот на Далас Кајри Ирвинг успешно опериран
Ирвинг се повреди на 3 март за време на првата четвртина од натпреварот во НБА против Сакраменто и ги скина предните лигаменти на левото колено. Оваа сезона во НБА лигата имаше просек од 24,7 поени, 4,8 скока и 4,6 асистенции по натпревар.
Џесика Пегула и Арина Сабаленка во женското финале на Мастерсот во Мајами
Американската тенисерка Џесика Пегула се пласираше во финалето на Мастерсот во Мајами откако утринава во полуфиналето ја победи Филипинката Александра Ијала со 2:1 во сетови ( 7:7, 5:7, 6:3). Пегула која е четврта тенисерка на светот се намачи во меч што траеше два и пол часа против Филипинката Ијала која е 140 -та на ВТА листата.
Џош Гиди со кош од половина терен во последната секунда му донесе победа на Чикаго против Лејкерс
Во последниот напад за Лејкерс Остин Ривс постигна кош на 3 секунди пред крајот, Чикаго немаа тајм аут и ја изведоа топката од под кошот до Гиди кој од сопствената половина постигна тројка во последната секунда од мечот за победа на Булс.