ЦУК: Поплави во Кичево, Гостивар и Сарај

Поплави во Кичевско и Гостиварско. Се излеа Зајашка река, под вода се најдоа улици, домови и објекти на болницата во Кичево.

Стотици луѓе се евакуирани и времено сместени во спортска сала. Во Југозападниот регион, во Кичево е регистрирано најголемо поплавување на куќи и евакуирани се 220 лица кои се сместени во спортската сала Христо Узунов.

Организирана е достава на храна и вода за загрозените лица со поддршка на Црвен крст, а на терен активно работат екипи од полицијата, комуналното претпријатие и противпожарната служба.

ЦУК извести и за поплави во гостиварско  и во скопската општина Сарај, погодени се над 30 семејства.Во Општина Зелениково има минимално излевање на реката Вардар кај селата Пакошево и Ново Село без непосредна опасност .