Неформална група црногорски студенти наречена „Каде утре?“ организираше неколкучасовна блокада на сообраќајницата пред зградата на тамошната влада во Подгорица поради наводно неисполнетите барања во врска со трагедијата во Цетиње во која беа убиени 13 лица.
Студентите од оваа група ги повикаа граѓаните од сите градови во Црна Гора да одржат заедничка блокада од 11 до 17,26 часот. Еден од организаторите на протестот Мило Перовиќ рече дека за време на блокадата ќе се обидат со врева да ја прекинат седницата на владата.
„Тука сме да направиме врева и да ја прекинеме оваа седница, да дејствуваме во граѓанска непослушност во достоинствени рамки“, изјави Перовиќ за агенцијата МИНА.
Една од членките на групата „Каде утре?“, Хана Растодер, за весникот Вијести изјави дека не очекува дека бројот на учесниците во протестот ќе биде во текот на денот поденаков, но дека „ги повикуваат сите граѓанки и граѓани да дојдат кога можат“. Истакна дека се „принудени“ повторно да ги радикализираат собирите, бидејќи власта „никако“ не реагирала.
„Ние блокираме пет дена по ред, па граѓаните самоорганизирано блокираа и во своите градови, а владата воопшто не реагира, што нè наведува да се сомневаме дека оваа влада нема слух за незадоволството на своите граѓани и дека можеби не и се еднакво важни сите нејзини граѓани. Значи, ние сме принудени – се надевам дека нема, но веројатно ќе направиме – секогаш да ги радикализираме нашите дејтвувања“, вели Растодер.
Оваа група студенти минатата седмица организираше блокади на сообаќајниците во Подгорица, додека жителите на Црна Гора истовремено самостојно иницираа сообраќајни блокади во неколку други градови.
Црногорските студенти, по трагедијата во Цетиње на почетокот на јануари, во која загинаа 13 лица, меѓу кои две деца, бараат разрешување на министерот за внатрешни работи Данило Шарановиќ и вицепремиерот за безбедност и одбрана Алекса Бечиќ. Според властите, пак, станува збор за политички мотивирани акции организирани од опозицијата, која со децении владееше со земјата.
Слични новости
Мицотакис направи реконструкција на Владата, Герапетритис останува шеф на дипломатијата
Промени во неколку Министерства меѓу кои и оние за национална економија и финансии, за инфраструктура и транспорт, за енергетика, за миграција итн, направи грчкиот премиер Кирјакос Мицотакис, додека пак Јоргос Герапетритис и Никос Дендиас се меѓу министрите кои останаа на нивните позиции, односно во Министерствата за надворешни работи и за национална одбрана
Романија: Одбиена жалбата на Џорџеску против забраната за кандидирање на претседателските избори
Жалбата на романскиот крајно десничарски европскептичен политичар Калин Џорџеску против одлуката да му се забрани да се кандидира на повторените претседателски избори во земјата беше отфрлена во вторникот
ЕУФОР: Распоредуваме воено засилување во БиХ
Военото засилување на ЕУФОР во Босна и Херцеговина почна да пристигнува, потврди во вторникот командата на силите на Европската унија во Сараево