Црногорскиот премиер Спајиќ бара широка поддршка за патот кон ЕУ

Црногорскиот премиер Милојко Спајиќ ги започна разговорите со пратениците од власта и опозицијата за платформата „Барометар 26“.

Платформата, Спајиќ прво им ја претстави на пратениците од сопствената партија „Европа сега“, а потоа ги продолжи разговорите со претставниците на Албанскиот форум.

Целта на оваа иницијатива е поддршка на сите општествени групи за да се реализира обврскатаа да се затворат сите 30 преговарачки поглавја со ЕУ до крајот на 2026.

Повеќето партии се одзваа на поканата за дијалог на премиерот Спајиќ, но Демократската партија на социјалистите го одби предлогот за разговор и порача дека идејата на Спајиќ била лицемерна.

За најголемата опозициска партија ДПС, секој чекор кон Европа е добредојден, но не поддржуваат „предлози кои им мачкаат очи на меѓународните партнери“.

Приказната за заеднички пат кон ЕУ, додека истовремено се поткопува граѓанскиот карактер на Црна Гора е лицемерна, изјави пратеникот на ДПС Никола Јовановиќ.