Цените на нафтата стабилизирани околу нивото од 73 долари

Трговците беа затекнати на почетокот од седмицата од најавата на Вашингтон дека ќе воведе царини од 25 отсто за земјите кои купуваат нафта и гас од Венецуела почнувајќи од април.

„Секундарните царини“ ќе се применуваат од 2 април, објави американскиот претседател Доналд Трамп на социјалната мрежа Truth Social, оправдувајќи ја одлуката со тврдењето дека Венецуела испратила „десетици илјади“ луѓе со „многу насилна природа“ во САД.

Претходно во сабоата, венецуелскиот претседател Николас Мадуро објави дека е постигнат договор со Вашингтон за враќање на летовите за репатријација на мигрантите.

Најголеми купувачи на венецуелска нафта во февруари беа Кина и САД, според компанијата за следење на пловидбата на бродови „Kpler“, но Вашингтон оттогаш му наложи на „Shevron“ кој имаше дозвола за трансакции со венецуелската нафта, да ги прекине операциите во Венецуела до почетокот на јуни. Со заминувањето на „Shevron“, венецуелското производство би можело да се намали за приближно 200.000 барели дневно, според пресметките на аналитичарите на ANZ.

Кон крајот од минатата седмица, Вашингтон првпат санкционираше независна кинеска рафинерија „ Shandong Shouguang Luging Petrochemical Co.Ltd“, и брод што ја снабдува со иранска нафта. Санкции беа воведени и на нафтениот терминал во Кина „Huaying Huizhou Daya Bay Petrochemical Terminal Storage“ за купување и складирање нафта испорачана од санкциониран брод.

Заострените американски санкции ќе го намалат иранскиот извоз за милион барели дневно, проценуваат аналитичарите на ANZ Bank. Во февруари, Иран извезуваше нешто повеќе од 1,8 милиони барели дневно, според проценките на компанијата „Kpler“.

Според четирии извори кои зборувале за Reuters, спротивставувањето на проценките за презаситеноста на понудата беа навестувања од Организацијата на земјите извознички на нафта и нејзините сојузници големи независни производители познати како OPEC+ дека ќе стават повеќе барели на пазарот во мај. Цените се стабилни и групата има намера да принуди неколку членки да го намалат производството поради пречекорување на квотите.

Од 2022 година OPEC+ го намалува производството за 5,85 милиони барели дневно за да ги поддржи цените, што е еквивалентно на околу 5,7 отсто од глобалната понуда. Тие планираат да ја зголемат понудата за 138.000 барели дневно од април, според пресметките на Reuters, а во мај на пазарот ќе пуштат дополнителни 132.000 барели дневно.

Последната американска одлука за царините ги зголеми цените на нафтата, за потоа да ги закочат извештаите дека OPEC+ дополнително ќе го зголеми производството во мај, објаснуваат аналитичарите во „Panmurа Liberum“.