Цените на нафтата на меѓународните пазари се стабилизираа околу 62 долари во вторникот, одразувајќи ги растечките тензии на Блискиот исток и неизвесноста околу мировните преговори за прекин на војната во Украина и проценките за вишоците во понудата.
На лондонскиот пазар попладнево, со барелот се тргуваше за 62,19 долари, што е за 25 центи поскапо отколку на затворањето на тргувањето вчера. На американскиот пазар, барелот беше поскап за 29 центи и чинеше 58,37 долари. Референтните цени ден претходно скокнаа за повеќе од два отсто.
Засебните пресметки од Организацијата на земјите извознички на нафта (OPEC) покажуваат дека барелот од референтната кошничката нафта на нејзините членки во понеделникот бил за 97 центи поевтин од крајот на минатата трговска седмица и изнесувал 61,03 долари.
Вниманието на трговците и денеска беше насочено кон истокот, кон ескалацијата на тензиите меѓу Русија и Украина, откако Москва го обвини Киев за напад врз резиденцијата на претседателот Владимир Путин. Украина тврди дека обвинувањата се неосновани и насочени кон нарушување на мировните преговори.
„Се чини дека трговците сега ги прилагодија своите очекувања, ненадевајќи се на напредок во мировниот договор меѓу Украина и Русија на краток рок“, вели аналитичарот на UBS, Џовани Стауново.
Континуираната блокада на венецуелската нафта од страна на САД и лошите временски услови што ги запреа испораките преку гасоводот Касписки цевководен конзорциум (CPC), исто така, ги поддржаа цените во вторникот, додава аналитичарот.
Воздушните напади од страна на коалицијата предводена од Саудиска Арабија против она што тие го тврдат како странска воена поддршка за сепаратистите во Јемен, поддржани од Обединетите Арапски Емирати, исто така, придонесоа за стравувањата за снабдувањата.
И покрај обновените загрижености за можни прекини во снабдувањето, останува перцепцијата за прекумерна понуда на глобалниот пазар што би можела да го ограничи зголемувањето на цените, велат аналитичарите.
Официјалните податоци од американската Администрација за енергетски информации (EIA) во понеделникот покажаа дека залихите на сурова нафта во САД се зголемиле за 0,41 милиони барели во седмицата што заврши на 19 декември. Тие се намалија за 1,27 милиони барели во претходната седмица. Трговците очекуваа залихите да се намалат за 2,4 милиони барели.
Американскиот институт за нафта (API) треба да ги објави податоците за седмицата што заврши на 26 декември во вторник навечер.
Цените веројатно ќе бидат во опаѓачка траекторија во првиот квартал од 2026 година поради „растечката презаситеност со нафта“, рече аналитичарот на „Marex“, Ед Меир.
Слични новости
Компанијата на Доналд Трамп ќе гради небодер во Австралија вреден 900 милиони евра
Американската компанија во сопственост на американскиот претседател Доналд Трамп потпиша договор за изгардба на својот прв небодер во Австралија вреден 1,5 милијарди австралијански долари или 900 милиони американски долари.
Кина ги повика САД да ги укинат едностраните царини
Кинеското министрство за трговија соопшти дека врши „целосна проценка“ на пресудата со која Врховниот суд на Соединетите Американси Држави минатата недела ги укина царините што САД ги воведоа за голем број на земји
Кина ги надмина САД како главен трговски партнер на Германија
Кина ги претекна САД како главен трговски партнер на Германија, покажуваат податоците на германскиот Сојузен завод за статистика, додека канцеларот Фридрих Мерц се подготвува за првата посета на Пекинг од стапувањето на должноста