Цените на нафтата се стабилизираа на 60 долари

Трговците оваа седмица се обидуваа да ги проценат потенцијалните закани за снабдувањето од Венецуела. Американскиот претседател Доналд Трамп во средата нареди „целосна блокада“ на сите санкционирани танкери наменети за Венецуела и оние што ги напуштаат венецуелските пристаништа. Пред една седмица, Вашингтон го заплени супертанкерот „Skipper“. Сè уште не е јасно како САД планираат да ја спроведат блокадата.

Американската нафтена компанијата „Chevron“, пак, продолжи да испорачува венецуелска нафта во САД, а два танкера натоварија барели во пристаништето Хозе во средата, според превозничките компании и извори. Американскиот гигант соработува со венецуелската државна нафтена компанија PDVSA и продолжува да работи во Венецуела, со дозвола од Вашингтон.

Венецуелската нафта веројатно ќе продолжи да пристигнува во САД, проценуваат аналитичарите на холандската банка ING, забележувајќи дека станува збор за 160.000 барели дневно. Венецуела извезува вкупно 600.000 барели дневно, забележуваат тие.

Уделот на Венецуела во светското производство е само еден отсто, а само САД, Куба и независните кинески рафинерии ја купуваат нејзината „тешка“ нафта, објаснува Мују Сју од специјализираната компанија за следење на бродови „Kpler“.

Попладнето во петокот вниманието на трговците го привлече информации за напад врз танкер во Средоземното Море. Според неименуван функционер на украинската безбедносна служба, Украина го извршила првиот напад со беспилотно летало врз танкер што превезувал руска нафта во Средоземното Море.

Танкерот „Qendil“ пловел под знамето на Оман и патувал од индиското пристаниште Сика до руското пристаниште Уст Луга на Балтичкото Море, Reuters се повикува на податоци од MarineTraffic. Украинскиот функционер тврди дека бродот бил празен во времето на нападот и дека бил сериозно оштетен, без да даде детали за точната локација и време на нападот.

Последната видлива позиција на танкерот во петокот наутро беше покрај брегот на Крит, а бродската рута ја следеше либиската крајбрежна линија, според податоците на MarineTraffic.

Нападот врз „Qendil“ е значаен не само затоа што танкерот се наоѓал во Средоземното Море, туку и затоа што во нападот биле користени дронови со долг дострел, забележуваат аналитичарите.

Но очигледно е дека е изведен од територија на друга земја, што предизвикува загриженост од можни руски одмазнички удари и надвор од украинското боиште и парализирање на поморскиот сообраќај и во Црното и во Средоземното Море.

Неименуван функционер на членка на Европската унија изјавил за Reuters дека наводно „(бродот), како што разбираме, се враќа во пристаниште кое во моментов е непознато“
?!.

Во петокотот, ризиците од снабдување беа избалансирани со проценките за вишокот во следната година. Меѓународната агенција за енергија (IES) проценува дека снабдувањето во 2026 година треба да ја надмине побарувачката за нешто помалку од четири милиони барели дневно, а Организацијата на земјите извознички на нафта (OPEC) очекува само мал плус.