Цените на нафтата се зголемија во петокот кон нивото од 65 долари на меѓународните пазари, бидејќи најновите украински напади врз руската нафтена инфраструктура ги поттикнаа загриженостите за снабдувањето, потиснувајќи ги во втор план проценките за вишок следната година.
На лондонскиот пазар со барелот се тргуваше по 1,59 долари, и е во раст од вчерашното затворање од 64,60 долари. На американскиот пазар, барелот поскапе за 1,67 долари на 60,36 долари.
Засебните пресметки на Организацијата на земјите извознички на нафта (OPEC) покажаа дека барел референтната кошничка нафта на нејзините членки во четвртокот чинел 63,42 долари, што е за 1,7 долари помалку од претходниот трговски ден.
Инвеститорите беа загрижени кон крајот на седмицата поради новите украински напади врз руската нафтена инфраструктура. Утринава, украинските беспилотни летала оштетија всидрен берод и повредија тројца членови на екипажот, потврдија регионалните власти во руското пристаниште Новоросијск на Црното Море. Исто така, беа оштетени станбени згради и објект за складирање нафта. Новоросијск е клучно пристаниште за извоз на нафта, но поголеми штети не се пријавени а испораките продолжија по неколкучасовен прекин.
Последните месеци украинските сили ги засилија нападите врз руската инфраструктура за преработка, складирање и извоз на нафта, натојувајќи да нанесат позначајни штети што би можело сериозно да го загрозат снабдувањето на светските пазари. Во меѓувреме, САД воведоа санкции врз руските нафтени компании „Лукоил“ и „Росњефт“, кои произведуваат 5 отсто од светската нафта.
Загриженоста за понудата од Русија ги стави во втор план прогнозите за вишок на пазарите во следната година. Меѓународната агенција за енергија (IEA), која советува група водечки потрошувачи во рамките на Организацијата за економска соработка и развој (ОЕCD), процени дека понудата ќе ја надмине побарувачката за четири милиони барели дневно следната година. И Организацијата на земјите извознички на нафта (OPEC) сега очекува мал вишок во понудата следната година. До неодамна, тие предвидуваа дека понудата и побарувачката ќе бидат во рамнотежа.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица