Цените на нафтата пораснаа во средата на меѓународните пазари до 71 долар, поттикнати од знаците за посилна побарувачка во САД.
На лондонскиот пазар со барелот нафта попладнето се тргуваше по цена од 1,33 долари повисока од вчерашната цена на затворањето од тргувањето од 70,89 долари. На американскиот пазар барелот поскапе за 1,45 долари и чинеше 67,70 долари.
Организацијата на земјите извознички на нафта (OPEC) засебно објави дека барелот од референтната кошничка нафта на нејзините членки во вторникот поевтинил за 59 центи, на 72,14 долари.
„Цените на нафтата последните денови беа поддржани од послабиот долар и проценките на американското Министерство за енергетика, кое повеќе не очекува значителен вишок на нафта оваа година“, вели аналитичарот на UBS, Џовани Стауново.
Индексот на доларот падна на петмесечен минимум во средата, поттикнувајќи ја побарувачката од купувачите на нафта со други валути.
Цените се зголемија во средата попладне откако најновите податоци сигнализираа засилена побарувачка во САД. Залихите на сурова нафта се зголемија за 1,4 милиони барели минатата седмица, но залихите на бензините потонаа за дури 5,7 милиони барели, покажаа податоците на Министерството за енергетика.
„Залихите на нафта пораснаа помалку минатата седмица, а залихите на бензин и дизел паднаа значително повеќе од очекуваното. Ова е доказ за посилна побарувачка и може да ги зголеми цените на нафтата“, оценува Џош Јанг од „Bison Interests“.
Инфлацијата во САД ослабе во февруари првпат од почетокот на минатата есен, со остар пад на цените на бензините. Во јануари тие останаа на нивото од почетокот на минатата година.
Организацијата на земјите извознички на нафта (OPEC) потврди во својот последен месечен извештај дека очекува релативно силен раст на глобалната побарувачка на нафта оваа година, предвидувајќи зголемен воздушен и патен сообраќај. Трговските мерки предизвикуваат осцилации, но светската економија треба да се прилагоди на нив, сметаaт во OPEC.
Слични новости
Европските индекси се во пад поради неизвесноста околу царините на Трамп
Извршниот директор на Голдман Сакс Дејвид Соломон изјави дека лидерите на големите корпорации сакаат економската политика на администрацијата на Трамп да биде појасна, бидејќи како што рече „во моментов нивото на неизвесност е голем“.
Благ пораст на доларот, нафтата поевтини
На валутните пазари вредноста на доларот во однос на кошницата валути благо се зголеми во претпладневото тргување во четвртокот
Волстрит благо порасна, инфлацијата благо се намали
На Волстрит, индексот S&P 500 порасна во средата, по два дена пад, бидејќи инвеститорите беа охрабрени од ублажувањето на инфлацијата во САД, но тргувањето останува претпазливо бидејќи Вашингтон води тарифна војна на повеќе фронтови