Цените на нафтата паднаа на меѓународните пазари во вторник, бидејќи податоците од кинеската економија ја обновија загриженоста за побарувачката, додека инвеститорите остануваат внимателни пред одлуката за каматната стапка на централната банка на САД.
Цената на барелот на лондонскиот пазар падна за 66 центи на 73,25 долари во однос на претходното затворање. На американскиот пазар со барелот се тргуваше по пониска цена од 74 центи, по 69,97 долари.
Падот на добивките по минатонеделниот раст од шест отсто и објавувањето на низата разочарувачки податоци од кинеската економија во понеделникот влијаеше на цената на нафтата.
Во понеделникот цените паднаа од повеќенеделните највисоки нивоа поради неочекувано слабите податоци за кинеската лична потрошувачка, и покрај подоброто индустриско производство.
Инвеститорите се внимателни и пред последниот состанок годинава на американската централна банка (Fed) подоцна во вторник и во среда, од кој се очекува намалување на каматните стапки за четвртина процентен поен. Пониските каматни стапки може да го поттикнат економскиот раст и побарувачката за нафта
Слични новости
Доларот ослабе, цената на нафтата падна
На валутните пазари вредноста на доларот во однос на кошницата валути благо падна во раното претпладневно тргрување во понеделникот, откако минатата седмица порасна за 0,9 отсто.
Доларот зајакна во однос на кошницата валути, еврото ослабе
На валутните пазари вредноста на американскиот долар во однос на кошничката валути се зголеми и минатата седмица, втора по ред, додека еврото ослабна откако Европската централна банка (ECB) повторно ги намали клучните каматни стапки
Претпалзивост на светските берзи, инфлацијата во САД и натаму покачена
Минатата седмица на светските берзи се тргуваше неизвесно, па така на Волстрит индексот S&P 500 кон средината на седмицата достигна ново рекордно ниво, а потоа ги загуби тие добивки и трговската седмица ја заврши со загуби