Цените на нафтата падна на 76 долари на меѓународните пазари во средата, бидејќи трговците се загрижени за американската побарувачка, поради сигналите од челниците на централната банка дека нема да брзаат да ги намалат трошоците за задолжување.
На лондонскиот пазар цената на барелот попладнето беше за 99 центи пониска од вчерашното затворање на тргувањето и изнесуваше 76,01 долар. Речиси исто толку падна и цената на барелот на американскиот пазар каде се тргуваше по 72,25 долари.
Организацијата на земјите извознички на нафта (OPEC) засебно објави дека барелот од референтна кошничката нафта на нејзините членки во вторникот поскапел за 1,09 долари, на 78,31 долари.
Трговците се фокусираа на знаците за слабеење на американската побарувачка во средата.
Залихите на нафта во САД се зголемија за дури 9,4 милиони барели минатата недела, според извори кои се повикуваат на податоци од здружението на производители API во вторникот. Залихите на бензин паднаа за 2,5 милиони барели, а залихите на дестилати за 590.000 барели.
Трговците сега ги чекаат официјалните податоци од Министерството за енергетика, кои ќе бидат објавени во текот на денот. Во посебен извештај во вторникот, Министерството ја зголеми проценката за домашното производство оваа година и ја потврди својата проценка за побарувачката.
рговците беа загрижени и од изјавата на претседателот на американската централна банка Џером Пауел дека економијата оди добро и дека нема да брза со дополнително намалување на каматните стапки.
„Подготвени сме да ги намалиме доколку инфлацијата ослабне, а истото важи и за побарувачката на работна сила“, додаде Пауел.
Незначително забрзување на инфлацијата и во јануари, четврти месец по ред, покажа денеска извештајот на Министерството за труд.
Повисоките каматни стапки обично ја намалуваат економската активност и побарувачката за нафта.
„Цените на нафтата ја продолжија својата надолна траекторија бидејќи расположението беше под влијание на макроекономското опкружување, при што Џером Пауел навести дека Fed не брза да ги намали каматните стапки“, рече Хари Чилингвиријан од „Onyx Capital“.
Слични новости
Цените на храната значително пораснаа во февруари
Цените на храната драстично се зголемија во февруари првпат од есента минатата година, како одраз на повисоките цени на шеќерот, млекото и млечните производи и растителните масла, објави во петокот агенцијата за храна при Обединетите нации
Нафтата поскапе кон 71 долар
Цените на нафтата пораснаа до 71 долар на меѓународните пазари во петокот, откако руски функционер навести дека водечките производители би можеле да го преиспитаат планираното зголемување на понудата
Димитриеска Кочоска: Македонската економија веќе не е во стагнација
Веќе почнуваат да се гледаат и видливи се резултатите од нашата работа. Економијата во Македонија повеќе не е во стагнација, оцени министерката за финансии Гордана Димитриеска – Кочоска, осврнувајќи се на податоците што денеска ги објави Државниот завод за статистика за невработеноста, индустриското производство и извозот.