Цените на нафтата паднаа во вторникот на меѓународните пазари до 73 долари, бидејќи знаците за нормализација на односите меѓу САД и Русија ги поттикнаа шпекулациите за укинување на санкциите за руската нафта, засенувајќи ги ограничувањата на иранскиот извоз и силната побарувачка на нафта за греење поради ниските температури.
На лондонскиот пазар цената на барелот попладнето беше за 1,52 долари пониска од вчерашното затворање на 73,26 долари. Речиси за исто толку падна и барелот на американскиот пазар каде се тргуваше по 69,19 долари.
Организацијата на земјите извознички на нафта (OPEC) засебно објави дека во понеделникот ја цената на барелот од референтната нафтена кошничка на нејзините членки поевтинил за 1,45 долари, на 75,97 долари.
Трговците внимателно ги следат знаците на затоплување на односите меѓу САД и Русија. Американскиот претседател Доналд Трамп посочи дека може да ги ублажи санкциите кон Русија доколку Москва потпише мировен договор со Киев. Американските и руските претставници разговараа за нормализирање на односите и постигнување мир во Украина минатата недела во Ријад.
„Нормализирањето на односите на Трамп со Москва предвидува укинување на санкциите кон Русија, што може да значи и враќање на руските барели на пазарот во полн обем“, вели Тамас Варга од PVM.
Во исто време, американскиот претседател потврдува дека планира да воведе царини за увоз од Канада и Мексико на 4 март, како што најави. Царините негативно ќе влијаат на глобалната побарувачка на нафта, предупредуваат аналитичарите.
Во вакви услови силната побарувачка на нафта за греење поради студениот бран во северозападна Европа и долж брегот на американскиот залив падна во втор план.
Трговците го игнорираа и новиот пакет американски санкции кон Иран. Трамп спроведува кампања за „максимален притисок“ за да го охрабри Техеран да направи отстапки за својата нуклеарна програма со ограничување на извозот на иранска нафта.
Слични новости
Цените на нафтата под 70 долари
Цените на нафтата паднаа под 70 долари на меѓународните пазари во понеделникот, бидејќи најавеното зголемено снабдување од групаta големи производители ги надмина навестувањата од Вашингтон дека може да воведе санкции за иранскиот извоз
BioNTech ја заклучи 2024. со загуба
Германската биофармацевтска компанија „BioNTech“ во понеделникот објави дека ја завршила 2024 година со нето загуба и значително помал приход поради послабата побарувачка за нејзината вакцина против против ковид-19
Значително зголемен увозот на оружје во Европа
Податоците на SIPRI, исто така, укажуваат на континуирана доминација на САД на глобалниот пазар, бидејќи американските компании го зголемиле својот удел во извозот на оружје