Цените на нафтата се стабилизираа на меѓународните пазари во петокот над нивото од 70 долари, а инвеститорите проценуваат дека преговорите за ставање крај на руско-украинската војна ќе потрае и ќе го одложат враќањето на руската нафта на западните пазари.
На лондонскиот пазар со барелот нафта попладнето се тргуваше по 35 центи повисока цена од вчерашното затворање на 70,23 долари. Вчера го затвори тргувањето на минус 1,07 долари.
На американскиот пазар барелот денеска се тргуваше по 27 центи повисока цена, по 66,82 долари. Вчера го затвори тргувањето на минус 1,13 долари.
Организацијата на земјите извозници на нафта (OPEC) одделно објави дека барелот од кошничката нафта на нејзините членки во четвртокот поскапе за 79 центи на 73,34 долари.
Пазарите беа потресени во четвртокот од ескалацијата на тензиите во трговските односи меѓу САД и ЕУ. ЕУ одговори на американските царини за увоз на алуминиум и челик со предлог за царини за широк спектар на американски производи. Американскиот претседател Доналд Трамп сигнализираше дека може да возврати со царини од 200 отсто за увоз на европски жестоки пијалоци.
„Царинската ситуација во голема мера ја дефинира пазарната перцепција за побарувачката оваа година. Инвеститорите стравуваат дека царините ќе ја забават глобалната економија и побарувачката за енергија“, рече Ендрју Липоу од „Lipow Oil Associates“.
Пазарите, исто така, внимателно ги следат преговорите за ставање крај на руско-украинската војна. Украинските претставници го прифатија предлогот на САД за 30-дневен прекин на огнот и го чекаа одговорот на Москва.
Рускиот претседател Владимир Путин во четвртокот изјави дека Москва се согласува со американските предлози, нагласувајќи, сепак, дека прекинот на огнот треба да биде увертира за траен мир и да вклучи обиди за решавање на причините за конфликтот. Аналитичарите од одговорите на Москва заклучија дека војната нема да заврши наскоро.
„Млаката руска поддршка за предлогот за 30-дневен прекин на огнот во војната со Украина ги намали очекувањата дека непријателствата би можеле да бидат прекинати на краток рок“, вели Тони Сајкамор од IG, коментирајќи ги реакциите на пазарот.
Во петокот, Кина и Русија го поддржаа Иран откако САД побараа преговори со Техеран за неговата нуклеарна програма. Дијалогот треба да продолжи исклучиво врз основа на меѓусебно почитување, рекоа кинески и руски дипломати, додавајќи дека САД мора да ги укинат сите санкции.
„Повеќето прогнози за движењата на цената на нафтата сигнализираат пад во блиска иднина, но геополитичките тензии сепак може да предизвикаат прекини во снабдувањето“, напишаа аналитичарите на ANZ во белешката до клиентите.
OPEC и нејзините сојузници големи независни производители предводени од Русија познати како OPEC+ имаат намера да ја зголемат понудата за 138.000 барели дневно од почетокот на април, според пресметките на Reuters. Рускиот вицепремиер Александр Новак сепак потсети дека може да ја сменат производната политика и да пуштат уште помалку буриња на пазарот, доколку тоа го налагаат околностите.
Слични новости
Трамп се закани со царини од 200 отсто за алкохолите, ако ЕУ не ги укине царините за виски
Американскиот претседател Доналд Трамп во четвртокот изјави дека ќе воведе царини од 200 отсто за сите вина и други алкохолни производи од Европската унија, доколку Унијата не ги укине царините за американското виски
Европските индекси се во пад поради неизвесноста околу царините на Трамп
Извршниот директор на Голдман Сакс Дејвид Соломон изјави дека лидерите на големите корпорации сакаат економската политика на администрацијата на Трамп да биде појасна, бидејќи како што рече „во моментов нивото на неизвесност е голем“.
Благ пораст на доларот, нафтата поевтини
На валутните пазари вредноста на доларот во однос на кошницата валути благо се зголеми во претпладневото тргување во четвртокот