Цените на нафтата се стабилизираа околу 62 долари во вторникот, по скокот во понеделникот, балансирајќи меѓу очекувањата за зголемена понуда поради можна продажба на запленета венецуелска нафта во САД и стравувањата од нарушувања по украинските напади врз руски бродови и пристаништа.
На лондонскиот пазар, со барелот нафта попладнето се тргуваше по цена од 61,92 долари, 15 центи пониска од вчерашното затворање на тргувањето. На американскиот пазар, барелот беше за деветнаесет центи поевтин и чинеше 57,92 долари. Во понеделникот цените скокнаа за над два отсто. Лондонскиот пазар го забележа својот најголем дневен раст за два месеца, додека цените во САД пораснаа најмногу од 14 ноември.
Одделни пресметки на Организацијата на земјите извознички на нафта (OPEC) објавени во вторникот покажуваат дека во понеделникот барелот од референтната нафтена кошничка на нејзините членки чинел 61,22 долари, 1,29 долари повеќе отколку во петокот. Минатиот вторник, неговата цена падна под 60 долари, првпат од есента 2020 година.
„По остриот скок на цените на нафтата во понеделникот (…) прекумерната понуда спречува натамошни растови. Складирањето на отворено море е на највисоко ниво од 2020 година, што ги прави потенцијалните растења на ценоте да изгледаат ограничени, особено во скратената празнична седмица со малку тргување“, смета аналитичарот на IG, Аксел Рудолф.
Американскиот претседател Доналд Трамп во понеделникот изјави дека САД може да задржат или продадат нафта запленета од американските сили покрај венецуелскиот брег последните седмици, како дел од мерките на САД што вклучуваат блокирање на санкционираните танкери да влегуваат и излегуваат од венецуелските пристаништа.
Пазарите на нафта треба да бидат добро снабдени во првата половина од 2026 година, соопшти британската банка „Barclays“ во белешка објавена во понеделникот, забележувајќи дека во четвртиот квартал од 2026 година, вишокот нафта на пазарот ќе падне на само 700.000 барели дневно и дека продолжените прекини би можеле дополнително да го намалат снабдувањето.
Руските сили го нападнаа украинското црноморско пристаниште Одеса доцна во понеделникот, оштетувајќи ја пристанишната инфраструктура и еден брод, во вториот напад врз регионот за помалку од 24 часа. Украинските напади со беспилотни летала оштетија два брода и два пристаништа и предизвикаа пожар во село во рускиот регион Краснодар. Украина, исто така, ја таргетираше руската поморска инфраструктура, особено танкерите за нафта во Црното и во Средоземното Моред кои се обидуваа да ги заобиколат санкциите наметнати врз Русија.
Слични новости
Раст на празничната потрошувачка во малопродажбата во САД
Продажбата кај американските трговци на мало се зголеми за околу 4 отсто оваа празнична сезона, според прелиминарните податоци објавени во вторник од Visa и Mastercard.
Ублажен растот на продажбата на нови автомобили во ЕУ во ноември
Продажбата на автомобили во Европската унија се зголеми по петти месец по ред во ноември, благодарение на континуираната силна продажба на електрични возила, но беше значително послаба отколку на почетокот од есента
Од 1-ви јануари повисоки сметки за струјата
Наместо предложеното зголемување од 7,66 отсто што ЕВН ХОМЕ го достави во одлуката, РКЕ по спроведени анализи и повторни пресметки, одлучи во прв блок да има корекција од 2,45 проценти. Во втор блок цената ќе се зголеми за 2,87 отсто, додека предлог зголемувањето на ЕВН ХОМЕ е 8,54 проценти. Во трет блок цената ќе се зголеми за 3,32 отсто иако беше предложено да има зголемување од 9,63 проценти и во четврт блок зголемувањето е 3,84 отсто, наместо предложените 11,86 проценти, соопшти денеска претседателот на РКЕ, Марко Бислимовски. Тој посочи дека поскапувањето за 85 отсто од домаќинствата ќе биде за 2,28 отсто или за 57-70 денари на просечната сметка.