Европа оваа зима би можела да се соочи со нов силен раст на цените на природниот гас кој може да достигне и повеќе од 100 евра за мегават-час, бидејќи складиштата се значајно попразни од вообичаеното за овој период од годината.
Конкуренцијата со Азија за течниот природен гас (ЛНГ) би можела дополнително да ги качи цените, предупредуваат експертите.
Голдман сакс најавува цени над 100 евра за мегават-час, доколку извозот на течниот гас од Блискиот исток се нормализира дури во 2027 година пренесува Си Ен Би Си.
Аналитичарите на Морнингстар проценуваат дека комбинацијата на ладна зима и ограничена понуда би можеле да ги качат цените и до 120 евра за мегават-час.
Европските складишта во моментов се пополнети со 63 насто, што е за околу 18 насто под петгодишниот просек и меѓу најниските нивоа забележани за овој период од годината.
Слични новости
Американските акции паднаа по неочекуваниот раст на бројот на вработените во САД
Тоа ги зголеми проценките дека Федералните резерви би можеле да ги зголемат каматните стапки на наредниот состанок, пренесе Си Ен Би Си.
Цената на сировата нафта благо падна на околу 95 долари за барел
Цената на сировата нафта Брент благо падна под влијание на тензиите меѓу Иран и САД на околу 95 долари за барел, но на неделно ниво порасна за околу 8 насто, што е највисоко поскапување од средината на јули.
Цените на нафтата во пад поради намалениот ризик од пореметување во снабдувањето
Американската лесна нафта ВТИ се движи по цена од околу 83 долари за барел, додека Северноморската нафта Брент е на ниво од околу 88 долари за барел.