Големопродажната цена на гасот во Велика Британија порасна за 93 насто од почетокот на војната на Блискиот исток. Скај њуз пренесува дека само денеска цената на гасот порасна за 32 насто и станува збор за цена која не е забележана уште од февруари 2023 година.
Доколку се одржи високата цена на гасот британските домаќинства набргу ќе ги осетат последиците на ова поскапување и ќе плаќаат многу повисоки сметки за струја и гас.
Освен тоа, Британците се загрижени и поради падот на фунтата која сега вреди 1,33 долари, што директно влијае и на цената на нафтата која се пресметува во американски долари.
Слични новости
Продолжуваат да растат цените на гасот и нафтата како последица на војната на Блискиот исток
Фјучерсите на европските цени на гасот во еден момент денес скокнаа на 61 евро за мегават-час, што е највисока вредност во последните три години, а цените на нафтата од типот Брент надминаа 84 долари за барел.
Голем пад на азиските берзи поради војната на Блискиот Исток
Најголемите загуби беа забележани во Сеул, каде што тргувањето заврши со пад на пазарот од 12 проценти, најголем пад во историјата. За два дена, референтниот индекс на Јужна Кореја изгуби повеќе од 18 проценти од својата вредност, додека валутата падна на најниско ниво во последните 17 години.
Продолжува растот на цените на нафтата и гасот поради воената криза на Блискиот исток
Фјучерсите на европските цени на гасот скокнаа и за 33 насто на највисоко ниво од јануари 2023, откако Катар целосно го прекина производството на течен природен гас ЛНГ, по иранските напади со дронови врз клучните постројки за прозводство на гас.