Цените на нафтата значително се зголемија на азиските пазари, достигнувајќи највисоко ниво од 2022 година, по извештаите дека САД подготвуваат нови воени опции во Иран. Според информации на медиумите, американската војска подготвила план за кратки, но интензивни напади со цел да се изврши притисок врз застојот на преговори со Техеран.
Брент нафтата порасна за речиси 7%, надминувајќи 126 долари за барел, додека американската WTI нафта достигна околу 109 долари.
Растот на цените доаѓа во време кога клучниот Ормуски теснец останува практично затворен, што сериозно ги нарушува глобалните испораки на енергенси.
Овој морски премин е од клучно значење, бидејќи низ него поминува околу една петтина од светската трговија со нафта.
Дополнително, САД најавија можност за блокада на иранските пристаништа, додека Иран се закани со напади врз бродови во регионот.
Енергетските пазари остануваат под силен притисок, особено по состаноците меѓу американски претставници и енергетски компании, каде се разгледувале мерки за ублажување на влијанието врз потрошувачите во услови на потенцијално долготраен конфликт.
Слични новости
Намалена вредноста на азиските берзи, нафтата Брент на 111 долари за барел
Во извештаите се наведува дека акциите остро паднаа откако САД и Иран упатија закани дека ќе го интензивираат вооружениот судир кој влегува во четвртата недела, пренесе Би Би Си.
Европските акции паднаа поради очекување на повисоки каматни стапки
Акциите на аверопските берзи паднаа поради растот на цената на нафтата и стравот на инвеститорите дека ценралните банки ќе ги зголемат каматните стапки. Паневропскиот СТОКС падна за 1,7 насто, а и сите регионални берзи забележуваат негативни резултати.
Иран вели дека нема вишок нафта за продажба
Иранското Министерство за нафта ги оквалификува денеска како „психолошки трик“ изјавите на американскиот секретар за финансии Скот Бесант, кој рече дека Вашингтон привремено ги ублажува санкциите за да му дозволи на Техеран да продава нафта „што ја складирал на море“.