Цените на нафтата значително се зголемија на азиските пазари, достигнувајќи највисоко ниво од 2022 година, по извештаите дека САД подготвуваат нови воени опции во Иран. Според информации на медиумите, американската војска подготвила план за кратки, но интензивни напади со цел да се изврши притисок врз застојот на преговори со Техеран.
Брент нафтата порасна за речиси 7%, надминувајќи 126 долари за барел, додека американската WTI нафта достигна околу 109 долари.
Растот на цените доаѓа во време кога клучниот Ормуски теснец останува практично затворен, што сериозно ги нарушува глобалните испораки на енергенси.
Овој морски премин е од клучно значење, бидејќи низ него поминува околу една петтина од светската трговија со нафта.
Дополнително, САД најавија можност за блокада на иранските пристаништа, додека Иран се закани со напади врз бродови во регионот.
Енергетските пазари остануваат под силен притисок, особено по состаноците меѓу американски претставници и енергетски компании, каде се разгледувале мерки за ублажување на влијанието врз потрошувачите во услови на потенцијално долготраен конфликт.
Слични новости
ОПЕК + го зголемува производството на нафта
Клучните производители, предводени од Саудиска Арабија и Русија, се согласија да ги зголемат своите мајски производствени цели за околу 206.000 барели дневно.
Цената на нафтата стабилизирана на 110 долари за барел
Цената на нафтата утрово се стабилизира на околу 110 долари за барел како резултат на извештаите дека се преговара примирје од 45 дена.
Министри за финансии на ЕУ предложија воведување данок на екстра профит за енергетските компании
Министрите за финансии на пет држави на Европската унија повикаа на воведување данок за вонредни профити на енергетските компании поради растот на цената на горивотот поради војната со Иран, се наведува во нивното писмо испратено до Европската унија.