Цената на златото во тргувањето во четвртокот утрото достигна ново рекордно ниво од 4.234 долари за унца, што е последица на неизвесноста на финансиските пазари, поради што инвеститорите бараат побезбедни засолништа за својот капитал.
На валутните пазари, пак, вредноста на доларот во однос на кошничката валути падна втор ден по ред поради трговскките тензии меѓу САД и Кина, како и очекувањата дека американската централна банка наскоро дополнително ќе ги намали каматните стапки.
Индексот на доларот, кој ја искажува изведбата на американската во однос на другите шест најважни светски валути, утрово е околу 98,60 поени, додека вчера во истиот пресек од тртгувањето беше 99,05 поени.
Истовремено време, курсот на доларот во однос на јапонската валута се лизна од вчерашните 151,80 на 151,05 јени.
Американската валута ослабе и во споредба со европската, па цената на еврото достигна 1,1655 долари, додека вчера во истиот период чинеше 1,1605 долари.
Цените на нафтата, од друга страна, пораснаа откако американскиот претседател Доналд Трамп тврдеше дека индискиот премиер Нарендра Моди наводно му ветил дека неговата земја ќе престане да купува нафта од Русија, која сочинува околу една третина од увозот на нафта во Индија.
На лондонскиот пазар, цената на барелот утрово се зголеми за 0,89 отсто, на 62,45 долари, додека на американскиот пазар, цената на барелот се зголеми за 1,02 отсто, на 58,85 долари.
Слични новости
На Волстрит, индексот S&P порасна, Dow благо падна
На њујоршки Волстрит, индексот Dow Jones малку падна во претпазливото тргување во четвртокот, додека S&P 500 и Nasdaq пораснаа трет ден по ред
Германската економија и во 2025 без позитивен импулс
На германската економија и во оваа година и недостига позитивен замав, а деловниот сентимент е и понатаму слаб, се заклучува во денеска објавениот извештај на Институтот за економски истражувања
Рафинеријата за нафта во Панчево го започна процесот на затварање на производствените капацитети
Рафинеријата за нафта Панчево вчера го започна процесот на затворање на производствените капацитети поради недостиг на сурова нафта за преработка, што е резултат на санкциите што Министерството за финансии на САД ги воведе врз НИС.