Хутите, поддржани од Иран, за само 36 часа остварија значителен напредок долж западниот брег на Јемен, преземајќи ја стратешката пристанишна Мока и островот Перим, кој се наоѓа на влезот во Црвеното Море.
Брзиот напредок предизвика меѓусебни обвинувања меѓу сојузниците на јеменската влада.
Јеменски извори тврдат дека побарале воздушна поддршка од Саудиска Арабија и САД, но дека таа не пристигнала навреме. Други аналитичари, пак, укажуваат на внатрешните поделби во јеменските сили и слабата координација како главни причини за падот на Мока.
Преземањето на Перим им дава на Хутите значително поголемо влијание врз Баб ел-Мандеб, теснецот што го поврзува Црвеното Море со Аденскиот Залив и претставува клучна рута кон Суецкиот Канал.
Во услови кога Иран веќе има силно влијание врз Ормускиот Теснец, новото зајакнување на Хутите може дополнително да го загрози глобалниот поморски сообраќај и да изврши притисок врз цените на нафтата.
Аналитичарите предупредуваат дека Хутите би можеле да продолжат со напредувањето кон исток, со што конфликтот во Јемен би можел да стане втор фронт во пошироката војна меѓу САД и Иран.
Слични новости
Земјотрес со магнитуда од 7,1 степен го потресе Кумамото во Јапонија – издадено е и предупредување за цунами
Земјотрес со магнитуда од 7,1 степени го потресе Кумамото на јужниот главен остров Кјушу во Јапонија, а издадено е и предупредување за цунами, соопшти Јапонската метеоролошка агенција.
Иран најави дека нема да напаѓа сѐ додека Америка се воздржува од напади
Иран ќе ги запре своите напади сè додека и САД го прават истото, изјави за „Ројтерс“ висок ирански функционер. По 13 ноќи засилени американски воздушни напади врз Иран, Пентагон ја суспендираше кампањата доцна во петокот
Украина ги нападна Белгород и Ростов двајца загинати и најмалку 17 повредени
Оперативниот штаб на Белгородската област објави дека во нападот врз градот Белгород се повредени 12 лица. Запалена е една станбена зграда и 15 паркирани автомобили, а оштетени се и повеќе станбени објекти.