Хрватски државјани уапсени во Шпанија за грабежи на куќи

Полицајците ги следеле осомничените и дознале каде живеат, а потоа со судска наредба упаднале во нивната куќа. Таму нашле алат за обивање брави и накит, скапи чанти и пари за кои веруваат дека биле украдени.

Во исто време, полицијата во Малага фатила „уште двајца членови на бандата на дело“ додека обивале брава од една куќа. Кај нив бил пронајден и украден накит и пари, соопшти полицијата.

Истрагата потврдила дека приведените дејствувале како „патувачка група“, поделена во мали ќелии од две или три лица, главно жени.

„Овие ќелии избирале домови во коишто немало никој во текот на денот, фокусирајќи се на накит, пари, облека и козметика“, извести полицијата.

Додека некои членови крадеа, другите би следеле за некој да не наиде. Алатите за кражба биле носени скриени во облека или чанти. Тие, исто така, иамле подготвени автомобили за бегство.

Полицијата соопшти дека вешто ги обивале бравите, понекогаш неоставајќи видливи знаци за провала. Користеле и лажни документи.

Уапсените се товарат за најмалку осум кражби на куќи, а полицијата не ја исклучува можноста да учествувале и во други грабежи. Истражен судија им одредил мерка притвор.

Ова е само последен во низата случаи во кои во Шпанија се уапсени членови на патувачки банди со хрватски документи. Во грабежите најмногу учествуваат млади жени, а мажите ги развозуваат и го земаат пленот, информираше претходно полицијата.