Годишната стапка на инфлација во Хрватска мерена со индексот на потрошувачките цени во јануари изнесува четири отсто, објави денеска Државниот завод за статистика.
Тоа е четврти последователен месец на забрзан годишен раст на цените, додека според усогласениот индекс на потрошувачките цени, инфлацијата во јануари беше пет проценти, што е највисока во еврозоната.
Според првичната процена на хрватските статистичари, инфлацијата во јануари изнесуваше четири проценти во споредба со истиот месец минатата година, додека во однос на декември забележан е раст од 0,1 отсто.
Според главните компоненти на индексот, проценетата годишна стапка на инфлација за услугите изнесува 6,3 отсто, за групата храна, пијалаци и тутун 4,7 проценти, енергијата 4,5 отсто и индустриските непрехранбени производи без енергија 0,5 проценти. На месечна основа во однос на декември лани, цените се зголемени за 2,2 отсто, услугите за 1,4 проценти, а храната, пијалаците и компонентите на тутунот за еден отсто, а цените на индустриските непрехранбени производи без енергија се намалени за 3,4 проценти.
Во еврозоната просечната годишна стапка на инфлација во јануари изнесуваше 2,5 отсто. По Хрватска, највисока инфлација е забележана во Белгија, 4,4 проценти, Словачка 4,1 отсто, Австрија 3,5 проценти и во Литванија 3,4 отсто.
Слични новости
Најавен нов бојкот на трговските синџири во Хрватска, ама во поголем обем
Поради високите цени на продуктите, во петок 24. јануари, граѓаните низ Хрватска ги бојкотираа продавниците. Овој пат организаторите најавуваат уште поголем бојкот за петок, 31. јануари
Криза во БиХ во обидот за собоување на министерот за надворешни работи Конаковиќ
Владината криза во Босна и Херцеговина во понеделникот дополнително се искомплицира откако водечката бошњачка опозициска партија SDA официјално покрена иницијатива за разрешување на министерот за надворешни работи на земјата Елмедин Конаковиќ, наведувајќи ги неговите врски со луѓе вклучени во организираниот криминал
Белград: Илјадници студенти блокираа една од клучните сообраќајни клучки
Неколку илјади студенти од белградскиот универзитет во понеделникот ја започнаа 24-часовната блокада на Автокоманда – еден од клучните сообраќајни јазли во Белград, продолжувајќи ги своите протести кои повеќе од два месеца блокираа повеќе од 60 факултети во сите четири државни универзитетски центри.