Иранскиот врховен водач, ајатолахот Али Хамнеи, во петокот рече дека искуството покажало дека разговорите со САД „не се паметни, мудри или чесни“, објави официјалната новинска агенција IRNA.
Претходно седмицава американскиот претседател Доналд Трамп рече дека би сакал да започне да работи на „потврден нуклеарен мировен договор“ со Иран, откако ќе ја обнови својата кампања за максимален притисок врз земјата.
За време на неговиот претходен мандат во 2018 година, Трамп еднострано ги повлече Соединетите држави од нуклеарниот договор на Техеран од 2015 година со шесте светските сили и повторно воведе санкции што ја осакатуваа иранската економија.
Откако американските сојузници во ЕУ, постписнички на договорот од Виена, се продржуваат на санкциите на САД и се повлекоа од економската соработка со Иран, Техеран постепено ги игнорираше одредбите кои се однесуваат на количеството и степенот на иранското збогатување на ураниумот.
„Да се преговара со Америка не е ниту паметно, ниту мудро, ниту чесно. Тоа нема да реши ниту еден од нашите проблеми. Причината? Искуството“, рекол Хамнеи.
„Иран постигна договор со САД и другите земји по двегодишни разговори“ додал ајатолахот, „но Американците не го почитуваа и покрај бројните отстапки од страна на Иран. Едно лице го прекрши“, рекол Хамнеи, алудирајќи на Трамп.
Висок неименуван ирански функционер наводно изјавил за Reuters во средата дека Иран е подготвен да им даде шанса на САД да ги решат споровите.
Хамнеи рекол дека Техеран ќе возврати на ист начин доколку Американците го нападнат Иран. „Ако тие загрозат нашата безбедност, ние ќе ја загрозиме нивната“, рекол.
Осврнувајќи се на предлогот на Трамп за принудно преселување на палестинските жители од Газа во соседните арапски земји, Хамнеи рекол: „На хартија, Американците ја менуваат мапата на светот. Се разбира, тоа е само на хартија, бидејќи е лишено од реалност“.
Слични новости
Ал Шара ја формира новата сириска преодна влада
Сирискиот претседател Ахмед ал-Шара ја претстави новата преодна влада, што претставува клучен чекор во транзицијата од долгогодишното владеење на семејството на Асад во Сирија
Трамп: Не ми е гајле дали поскапуваат автомобилите
Американскиот претседател Доналд Трамп во саботата рече дека не ги предупредил директорите на автомобилската индустрија да не ги зголемуваат цените бидејќи стапуваат на сила царините за автомобилите од странско производство, велејќи за NBC News дека „не му е гајле“ доколк тие и го сторат тоа
Финскиот претседател Стуб во ненајавена посета на Трамп на Флорида
Финскиот претседател Александер Стуб пристигна во сабота во ненајавена посета на САД, каде што се сретна со претседателот Доналд Трамп, со кого, меѓу другото, разговараше и за зајакнување на билатералното партнерство меѓу двете земји, а двајцата претседатели одиграа и голф