Според Хамас, станува збор за посмртни останки на заложник грабнат во нападот на 7-ми октомври 2023 година во јужен Израел. Вработените во Црвениот крст ќе го предадат ковчегот на израелската армија подоцна, објави армијата. Идентитетот на заложникот мора да биде потврден од страна на форензичкиот институт во Тел Авив.
Израел и Хамас се согласија да разменуваат тела како дел од договорот за прекин на огнот постигнат со посредство на САД. Според договорот, за секој заложник чии останки Хамас ќе ги предаде, Израел мора да ги предаде телата на 15 жители на Појасот Газа. Израел досега ги предаде телата на 285 Палестинци, од кои 84 се идентификувани, според палестинските здравствени власти.
Во вторник вечерта Хамас му го предаде телото на израелски војник, кој имал и германско државјанство, на Црвениот крст. Израел ги предаде останките на 15 Палестинци претходно во средата.
Хамас ги ослободи преостанатите живи заложници на 13-ти октомври во замена за ослободување на стотици Палестинци од израелските затвори.
И покрај прекинот на огнот, оружените инциденти во Појасот Газа продолжуваат. Според палестинските здравствени власти, откако започна прекинот на огнот на 10-ти октомври, во израелските напади во Појасот Газа убиени се повеќе од 240 лица.
Слични новости
Макрон по примерот на Трамп ѝ се закани со царини на Кина
Францускиот претседател Емануел Макрон изјави дека му се заканил на Пекинг со царини за време на посетата на Кина доколку не преземе мерки насочени кон намалување на растечкиот трговски суфицит со Европската унија
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше