Австралискиот возач Оскар Пјастри ја искористи најдобрата стартна позиција и победи на трката од Светскиот шампионат во Формула 1 што се одржа во неделата во Шангај за Големата награда на Кина, додека неговиот тимски колега, Британецот Ландо Норис, обезбеди двојно славје во таборот на Мекларен со освојување на второто место.
Ова е трета победа во кариерата за 23-годишниот Австралиец, кој ја започна својата трета сезона во Формула 1 натпреварувањата. Пијастри ја мина целта со нешто помалку од 10 секунди пред Норис (+9,748).
На дуото Мекларен на подиумот му се придружи и Британецот Џорџ Расел во Мерцедес (+11.097), додека четвртото место го освои актуелниот светски шампион Холанѓанецот Макс Верстапен во Ред Бул (+16.656).
Возачите на Ферари, монежанецот Шарл Леклер и Британецот Луис Хамилтон, ја завршија трката на петтата и шестата позиција.
По две трки, Ландо Норис го задржа водството во генералниот пласман со 44 бодови, а тројца возачи се набиени зад него на два бода: Макс Верстапен (36), Џорџ Расел (35) и Оскар Пјастри (34).
Следната трка од Светскиот шампионат во Формула 1 е закажана за 6-ти април, а ќе се одржи во Сузуки за Големата награда на Јапонија.
Слични новости
Нови победи на Оклахома и Бостон
Тандер победија на девет последователни натпревари и имаат шанса да станат третиот тим во историјата на НБА со 70 победи
Мото ГП: Марк Маркез ја продолжи победничката серија
Шпанскиот мотоциклист Марк Маркез (Дукати) ја продолжи својата победничка серија во овогодинешниот Светски шампионат во Мото ГП победувајќи на спринтерската трка на Американското ГП што се одржа на патеката Остин
Минимални домашни победи на Рома и Јувентус
Фудбалерите на Рома го прескокнаа градскиот ривал Лацио на табелата на италијанскиот шампионат со минимални 1:0 (0-0) на гостински терен против Лече