Австралискиот возач Оскар Пјастри ја искористи најдобрата стартна позиција и победи на трката од Светскиот шампионат во Формула 1 што се одржа во неделата во Шангај за Големата награда на Кина, додека неговиот тимски колега, Британецот Ландо Норис, обезбеди двојно славје во таборот на Мекларен со освојување на второто место.
Ова е трета победа во кариерата за 23-годишниот Австралиец, кој ја започна својата трета сезона во Формула 1 натпреварувањата. Пијастри ја мина целта со нешто помалку од 10 секунди пред Норис (+9,748).
На дуото Мекларен на подиумот му се придружи и Британецот Џорџ Расел во Мерцедес (+11.097), додека четвртото место го освои актуелниот светски шампион Холанѓанецот Макс Верстапен во Ред Бул (+16.656).
Возачите на Ферари, монежанецот Шарл Леклер и Британецот Луис Хамилтон, ја завршија трката на петтата и шестата позиција.
По две трки, Ландо Норис го задржа водството во генералниот пласман со 44 бодови, а тројца возачи се набиени зад него на два бода: Макс Верстапен (36), Џорџ Расел (35) и Оскар Пјастри (34).
Следната трка од Светскиот шампионат во Формула 1 е закажана за 6-ти април, а ќе се одржи во Сузуки за Големата награда на Јапонија.
Слични новости
Реал се намачи со Леганес, Атлетико го губи чекорот со водечките
Фудбалерите на Реал Мадрид по голема борба и пресврт го совладаа Леганес со 3:2 пред своите гледачи во последниот саботен натпревар од 29. коло од шпанската Ла Лига
Новак Ѓоковиќ и Јакуб Меншик во финалето на Мастерсот во Мајами
Новак рече дека се радува што во финалето во недела ќе има можност да игра за својата јубилјна 100-та титула во кариерата. „Ќе дадам се од себе и ќе играм како никогаш досега, за да стигнам до стотата титула во кариерата“ порача Ѓоковиќ.
Минесота го победи Феникс во борбата за плеј оф на Западот, Денвер убедлив против ослабената Јута
Минесота е осма на западот со ист број на победи 42 како седмопласираните Голден Стејт и шестопласираните Клиперс. Шестопласираниот тим на западот во првото коло на плеј офот најверојатно ќе игра против Денвер кој е трети