Ф1: Норис најбрз во Мелбурн

Првата трка од сезоната започна на влажна патека на Мелбурн Парк, откако и двата болида Мекларен победија убедливо во квалификациите на убаво време во саботата. Овојпат сликата во Мелбурн беше поинаква, а имаше и доста несреќи на силниот дожд. Меѓу другите, домашниот возач Џек Духан (Алпен), Бразилецот Габриел Бортолето (Кик Заубер) и искусниот Шпанец Фернандо Алонсо (Астон Мартин) ги уништија своите автомобили.

По неколку излегување на патеката на безбедносното возило, еден од клучните моменти се случи на крајот од 44. круг, кога двата водечки Мекларена се излизгаа патеката. Конкретно, домашниот возач Оскар Пјастри (Мекларен) загуби многу време на тревата, додека Норис мораше да иди во боксот по гуми за малку влажната патека.

Верстапен, кој го престигна Пјастри на почетокот на трката, но потоа направи грешка и падна на третото место во 17. круг, го започна 45. круг како лидер. По менувањето гуми, заостануваше зад Норис на два круга пред крајот, Верстапен дојде многу блиску, но на малку влажна патека не се закани до крајот, дозволувајќи му на Британецот да се радува на својата петта победа во кариерата.

Расел ја мина целта како трет, а неговиот совозач, 18-годишниот Италијанец Кими Антонели, како четврти, но судиите го казнија со пет секунди поради опасното излегување од боксот. Тој падна на петтото место, додека британско-тајландскиот возач Александар Албон напредуваше на четвртото со Вилијамс.

Бодови освоија и Канаѓанецот Ленс Строл, Германецот Нико Хулкенберг, Монежанецот Шарл Леклер и Пјастри, додека седумкратниот светски шампион Луис Хамилтон ги постигна првите поени за новиот тим на Ферари со десеттото место. Хамилтон дури и водеше некое време, но не можеше да ги смени гумите кога почна дождот.

Следната трка е за една недела во Шангај за Големата награда на Кина.