Водечкиот тандем во горинешното Светско првенство во Формула 1, Британецот Ландо Норис и неговиот клупски колега од Мекларен, Австралијанецот Оскар Пјастри, се дисквалификувани по завршувањето на трката за Големата награда на Лас Вегас возена во неделата, откако трката ја завршија на втората односно четвртата позиција.
И двајцата беа дисквалификувани поради технички причини, бидејќи подните заштитни плочи на подвозјето на нивните болиди биле потенки од потребните 9 милиметри, соопшти ФИА. Подните плочи на подвозјето на двете возила биле за 0,12 мм премногу тенки напред и 0,07 мм премногу тенки назад, соопшти ФИА. Управното тело нагласи дека прекршувањата на правилата биле ненамерни и дека немало намерен обид за заобиколување на прописите.
Макс Верстапен, доминантен победник во својот Ред Бул, беше најголемиот победник на трката во пустината Невада, бидејќи Норис го загуби второто место и 18-те поени што ги освои во трката за шампионатот.
Подиумот го комплетираа двајца возачи на Мерцедес, Британецот Џорџ Расел и Италијанецот Кими Антонели, кои се искачија поради дисквалификацијата на возачите на Мекларен.
На две трки што преостануваат до крајот на сезоната, предноста на Норис пред Пјастри и Верстапен е намалена од 30 на само 24 бода, а Холанѓанецот и Австралијанецот сега се израмнети во генералниот пласман.
Сезоната продолжува следнито викенд со спринт трка во Катар, каде што Норис сè уште може да ја освои својата прва светска титула. Завешницата на сезоната ќе се одржи во Абу Даби за две седмици, со максимални 58 бода кои може да ги освои секој возач.
Слични новости
НБА: По четири врзани порази на домашен терен Денвер победи на гости кај Индијана
Блескава партија во тимот на Денвер имаше Џамал Мари кој постигна 52 коша. Мари постигна 10 тројки од 11 обиди со процент на шут за три поени од 91 насто
Јанис Адетокумбо повторно се повреди, но останува во Милвоки
Грчкиот крилен центар на теренот мина само три минути по што го истегна мускулот на десната потколеница и беше упатен во болница на снимање. Тренерот на Милвоки Док Риверс изјави дека магнетната резонанца потврдила дека е исклучена повреда на ахиловата тетива.
Киксови на Ливерпул и Челси
Ливерпул никако да излезе од кризата. Вечерва на нивниот Енфилд одиграа само 1:1 со Сандерленд и се подалеку се од борбата за одбрана на титулата, затоа што водечкиот Арсенал им се одлепи на цели 11 бодови предност.