Клубовите ширум светот потрошиле 8,59 милијарди долари на меѓународни трансфери во 2024 година, објави Меѓународната фудбалска федерација (ФИФА) во својот Глобален извештај за трансферите објавен во четвртокот.
Оваа бројка е втора најголема потрошувачка по рекордната 2023 година кога клубовите потрошија 9,63 милијарди долари на меѓународните преминувања на играчите.
Клубовите направиле 22.779 трансфери во машкиот фудбал. ФИФА објави и дека минатата година биле направени рекордни 78.742 меѓународни трансфери во машкиот и женскиот фудбал, како и во аматерскиот фудбал.
Англиските клубови повторно беа трошачи број еден со 1,88 милијарди долари потрошени за дојдовни трансфери, додека добија и 1,34 милијарди долари за играчи кои си заминаа од нивните клубови.
Најскапиот интернационален трансфер беше преселбата на аргентинскиот напаѓач Хулијан Алварез од Манчестер Сити во Атлетико Мадрид во зделката вредна околу 78,26 милиони долари, плус 20 милиони долари потенцијални додатоци.
Во првите пет меѓународни трансфери се и Гонкало Рамос од Бенфика во Пари Сен Жермен, Лени Јоро од Лил во Манчестер Јунајтед, Жоао Невес од Бенфика во Пари Сен Жермен и Дани Олмо од РБ Лајпциг во Барселона.
ПСЖ бил европскиот клуб кој потрошил најмногу на меѓународни трансфери, но не се дадени информации колку парижските „Светци“ точно потрошиле, а потоа следат Манчестер Јунајтед и Лион.
Најмногу трансфери имало меѓу бразилските и португалските клубови, вкупно 485, сметајќи ги заминувањата од Бразил во Португалија (262) и од Португалија во Бразил (223).
Женскиот фудбал достигнал рекордно трошење од 15,6 милиони долари за меѓународни трансфери во 2024 година, што е двојно повеќе од трошоите во 2023 година (6,1 милиони долари).
Најголемиот трансфер во женскиот фудбал минатата година изнесуваше 862.000 долари, кои Беј ги плати во февруари за замбиската интернационалка Рахеал Кунданањи по нејзиното пристигнување од Мадрид ЦФФF.
Меѓутоа, во јануари оваа година тој рекорд беше соборен кога Челзи плати 1,1 милион долари за трансферот на 24-годишната американска интернационалка Наоми Гирма од Сан Диего Вејв.
Слични новости
Фокс разменет во Спарс, ЛаВин оди во Кингс
Голема размена се случи во американската професионална кошаркарска НБА лига, во која учествуваа три клуба, а беа разменети седум играчи и уште седум избори на драфтот, а најголемото име што го промени клубот беше „Ол-стар“ бекот Де’Арон Фокс, кој премина од Сакраменто Кингс во Сан Антонио Спарс
Лука Дончиќ допатува во Лос Анџелес и порача дека доаѓа за да освојува титули
Лејкерс денеска му посакаа добредојде на Дончиќ, кој рече дека кошарката му значи се, без оглед каде игра. „Ќе играм со истата радост, истата страст и истата цел – да освојувам титули“ им порача Дончиќ на навивачите на Лејкерс.
Далас тешко настрада во првиот меч по трејдот на Дончиќ, голем пресврт на Бостон
Далас Маверикс, ден откако објавија дека го размениле Лука Дончиќ за Ентони Дејвис, претрпеа тежок пораз на гостински терен од првиот тим во лигата Кливленд Кавалирс