Клубовите ширум светот потрошиле 8,59 милијарди долари на меѓународни трансфери во 2024 година, објави Меѓународната фудбалска федерација (ФИФА) во својот Глобален извештај за трансферите објавен во четвртокот.
Оваа бројка е втора најголема потрошувачка по рекордната 2023 година кога клубовите потрошија 9,63 милијарди долари на меѓународните преминувања на играчите.
Клубовите направиле 22.779 трансфери во машкиот фудбал. ФИФА објави и дека минатата година биле направени рекордни 78.742 меѓународни трансфери во машкиот и женскиот фудбал, како и во аматерскиот фудбал.
Англиските клубови повторно беа трошачи број еден со 1,88 милијарди долари потрошени за дојдовни трансфери, додека добија и 1,34 милијарди долари за играчи кои си заминаа од нивните клубови.
Најскапиот интернационален трансфер беше преселбата на аргентинскиот напаѓач Хулијан Алварез од Манчестер Сити во Атлетико Мадрид во зделката вредна околу 78,26 милиони долари, плус 20 милиони долари потенцијални додатоци.
Во првите пет меѓународни трансфери се и Гонкало Рамос од Бенфика во Пари Сен Жермен, Лени Јоро од Лил во Манчестер Јунајтед, Жоао Невес од Бенфика во Пари Сен Жермен и Дани Олмо од РБ Лајпциг во Барселона.
ПСЖ бил европскиот клуб кој потрошил најмногу на меѓународни трансфери, но не се дадени информации колку парижските „Светци“ точно потрошиле, а потоа следат Манчестер Јунајтед и Лион.
Најмногу трансфери имало меѓу бразилските и португалските клубови, вкупно 485, сметајќи ги заминувањата од Бразил во Португалија (262) и од Португалија во Бразил (223).
Женскиот фудбал достигнал рекордно трошење од 15,6 милиони долари за меѓународни трансфери во 2024 година, што е двојно повеќе од трошоите во 2023 година (6,1 милиони долари).
Најголемиот трансфер во женскиот фудбал минатата година изнесуваше 862.000 долари, кои Беј ги плати во февруари за замбиската интернационалка Рахеал Кунданањи по нејзиното пристигнување од Мадрид ЦФФF.
Меѓутоа, во јануари оваа година тој рекорд беше соборен кога Челзи плати 1,1 милион долари за трансферот на 24-годишната американска интернационалка Наоми Гирма од Сан Диего Вејв.
Слични новости
НБА лига: Победи на Филаделфија, Голден Стејт, Хјустон и Портланд
Синоќа се одиграа четири натпревари во НБА лигата, Филаделфија славеше против Лос Анџелес Лејкерс, Голден Стејт ја совлада Јута Џез, Хјустон ја совлада Атланта, а Портланд го совлада Милвоки
Влаховиќ ја одбил понудата да му стане соиграч на Роналдо
Српскиот напаѓач, 25-годишниот Душан Влаховиќ, иако најверојатно ќе заврши на клупата за резервни играчи, нема намера да го напушти Јувентус и ја одбил богатата понуда од Саудиска Арабија
Џими Батлер повторно суспендиран од тимот на Мајами
Кошаркарот е казнет откако го напушти тренингот на екипата, бидејќи му било соопштено дека нема да игра во првата петорка на тимот. Батлер е суспендиран на неопределно време.