Францускиот Парламент ја забрани продажбата на „вејпови“. Тие се особено популарни меѓу младите поради нивната ниска цена и разновидноста на вкусови, објавија во петокот француските медиуми.
По едногласното гласање на Националното собрание (долниот дом) минатата недела, Сенатот (Горниот дом) денеска исто така ја одобри забраната, со што стави крај на повеќе од двегодишните дебати во парламентот, па дури и го испрати овој текст, предложен од пратеничката Франческа Паскини, до Европската комисија.
Сега Франција е на пат да стане втората европска земја, по Белгија, која ќе ја забрани продажбата на овие производи на нејзина територија. Британија исто така најави дека ќе ги забрани за продажба во јуни.
Петнаесет проценти од децата на возраст меѓу 13 и 16 години во Франција пушат „вејпови“. Четириесет и седум проценти од нив тврдат дека ја започнале својата зависност од никотин на овој начин, според истражувањето на Анти-тутунската алијанса од 2023 година.
Слични новости
Драмски обележува 60 години од вселувањето во постојниот објект
Објектот е донација на Владата на Велика Британија како еден од симболите на меѓународната солидарност во напорите да се обнови Скопје по катастрофалниот земјотрес од 26 јули 1963 година. И покрај тоа што е замислена како привремен дом, театарот во оваа зграда опстојува и денес
Кои се следните проекти на актерите што беа номинирани за Оскар
Добитникот на Оскар за споредна машка улога Киеран Калкин се враќа на Бродвеј каде што игра во претставата „Гленгари Глен Роуз“, а летоска веројатно ќе игра во третото продолжение на Дина заедно со Тимоти Шаламе
Оскарите годинава со послаба гледаност отколку лани
Според рејтинзите што ги објави агенцијата Нилсен, шоуто на кое домаќин беше Конан О’ Брајен, имаш просечна гледаност од околу 18 милиони луѓе. За прв пат преносот од Оскарите имаше и стрим во живо на платофмата Хулу.