Франција: Годишната стапка на инфлација забрза на 1 насто поради цената на струјата

Годишната стапка на инфлација во Франција порасна во февруари од јануарските 0,3 на 1 насто, пред се поради ефектот на ниската база на цената на струјата во минатата година, објави францускиот институт за статистика и економски истражувања.

Институтот напоменува дека цените на енергентите во февруари паднаа за 3 насто меѓугдишно, многу поспоро во однос на јануарските 7,6 насто, што придонесе за растот на вкупната инфлација, пренесува „Фигаро“.

Цените на храната во Франција пораснаа за 2,1 насто, а цените на услугите за 1,8 насто, што е благо зголемување во однос на јануари.