Фотоапаратот на покојниот поглавар на Римокатоличката црква, папата Франциско продаден е на наддавање во Виена во саботата за 6,5 милиони евра, по неочекувана лицитацијска битка.
Фотоапаратот модел „Leica M-A“ стократно ги надмина очекувањата, според портпаролот на 47-та аукција Leitz Photographica.
Во согласност со желбите на претнодниот поглавар на католичката црква, кој почина во април, парите ќе одат во добротворни цели. Аукциската куќа, исто така, се откажа од својата провизија.
Производителот „Leica Camera AG“ му го подари фотоапаратот на папата Франциско во 2024 година, означувајќи го, заедно со неговите објективи, со серискиот број 5000000.
„Во Leica отсекогаш беше традиција да резервираат такви препознатливи, заокружени сериски броеви за специјални фотоапарати, кои често им се даваат на познати јавни личности“, рече Александар Седлак, извршен директор на Leica Camera Classics и Leitz Photographica.
Името на купувачот остана непознато. Според извештаите, две лица лицитирале преку телефон за фотоапаратот.
Аукцијата, која траела околу десет минути, „беше сигурно една од највозбудливите лицитациски битки во историјата на оваа аукциска куќа и целосно достојна за овој исклучителен предмет“, рече Седлак.
Слични новости
Откриена галаксија слична на Млечниот пат стара 12 милијарди години
Индиските астрономи открија масивна галаксија слична на Млечниот пат која е стара околу 12 милијарди години, пренесе Би Би Си. Таа е голема колку една третина од млечниот пат и содржи околу 10 милијарди ѕвезди
Скарлет Јохансон во завршни преговори за да игра во новиот Бетмен
По четири години кога за последен пат играше во филм со стрип јунаците на Марвел Скарлет Јохансон е на чекор да се врати во Готам. Како што известуваат холивудските медиуми, таа е во завршни преговори за да игра во Бетмен 2, секвелот на хитот на Мат Ривс од 2021
Лондонската божикна елка која традиционално ја поклонува Норвешка, вечерва ќе биде осветлена на Трафалгар
Елката симболизира пријателство меѓу Лондон и Осло во церемонија која потсетува на историјата на сојузништво меѓу двете земји. Овогодишната елка наречена „Вечниот Осло“ е висока околу 20 метри и е стара 60 години.