Претседателката на Европската комисија, Урсула фон дер Лајен, во вторникот предупреди на ризикот од „глобална трка кон дното“ преку употреба на економски алатки како што се санкции, извозни контроли и царини.
Говорејќи на годишниот состанок на Светскиот економски форум (WEF) ден по инаугурацијата на американскиот претседател Доналд Трамп, Фон дер Лајен зборуваше за „нова ера“ на жестока геостратешка конкуренција.
„Како што оваа конкуренција се интензивира, веројатно ќе продолжиме да гледаме честа употреба на економски алатки, како што се санкции, извозни контроли и царини, кои имаат цел да ја заштитат економската и националната безбедност“, рече Фон дер Лајен.
Но таа рече дека „иновативноста не смее да се задуши“. „Во тој дух, ќе треба да работиме заедно за да избегнеме глобална трка до дното“, додаде шефицата на Европската комисија.
„Затоа што не е во ничиј интерес да ги прекине врските во глобалната економија. Наместо тоа, ние мора да ги модернизираме правилата за да ја одржиме нашата способност да создаваме заеднички придобивки за нашите граѓани“, рече Фон дер Лајен.
Нејзината изјава дојде во периодот на невиден санкции на ЕУ против Русија поради војната во Украина украинската војна и запирање на увозот на евтините руски енергенси благодарејќи на кои главните европски земји бележаа економски раст, како и економските тензии на Брисел со Кина. Исто така, ден претходно новиот американски претседател Доналд Трамп рече дека сака да го промени трговскиот дефицит на САД со Европската унија, или преку царини или преку поголем извоз на енергија.
Слични новости
Дваесет и две демократски држави тужат поради одлуката на Трамп за државјанство
Американските држави и групите за граѓански права, предводени од демократите, поднесоа низа тужби во вторникот, оспорувајќи го обидот на американскиот претседател Доналд Трамп да го прекине државјанството по право на раѓање
Трамп: Санкции за Путин ако одбие да преговара за ставање крај на војната во Украина
Американскиот претседател Доналд Трамп изјави во вторникот дека најверојатно ќе воведе санкции против Русија доколку рускиот претседател Владимир Путин одбие да преговара за крај на војната во Украина
Трамп се заканува дека ќе воведе царини за Европската унија
Американскиот претседател Доналд Трамп се закани дека ќе воведе царини за Европската унија и рече дека неговата администрација разговара за казнена царина од 10 отсто за кинескиот увоз, бидејќи супстанцијата фентанил се испорачува од Кина во САД преку Мексико и Канада