Европа не смее да дозволи да биде одредена од туѓите погледи на светот, изјави во среда претседателката на Европската комисија, Урсула фон дер Лајен, осврнувајќи се на Стратегијата за национална безбедност на американската влада која е исклучително критична кон Европската унија.
Администрацијата на американскиот претседател Доналд Трамп објави стратегија за национална безбедност на почетокот на декември која изненади многумина поради критиките кон Европа, која според документот е загрозена од „цивилизациска ерозија“.
Никој не треба да биде шокиран од она што другите го велат за Европа“, изјави претседателката на Европската комисија во средата во Европскиот парламент во Стразбур, објавувајќи ги приоритетите на претстојниот Европски совет.
„Но, ова нема да биде првпат претпоставките за Европа да се покажат како застарени“, нагласи фон дер Лајен и рече дека континентот не смее да дозволи да биде обликуван од „странски погледи на светот“.
Германката рече дека на претстојниот состанок на лидерите, Европската Унија мора „да се соочи со реалноста на светот“ кој станал „опасен и трансакциски“, полн со „војни и предатори“.
„Ние Европејците мора да се браниме и да се потпреме на себе. Вчерашниот мир е исчезнат, немаме време за носталгија“, рече фон дер Лајен.
Сепак, таа призна дека стратегијата на Трамп е исправна кога предупредува дека Европа го губи својот дел од глобалниот БДП. Стариот континент имаше 25 проценти удел во глобалната економија во 1994 година, а денес е 14 отсто, рече претседателката на Комисијата.
„Но, она што Вашингтон не го спомена е дека и уделот на САД во глобалниот БДП, исто така, падна, од 22 отсто во 1994 година на 14 отсто денес“, нагласи таа.
„Значи, ова не е приказна за економијата од едната страна на Атлантикот, туку за пошироки промени во светската економија“, рече фон дер Лајен, потсетувајќи дека Кина пораснала од четири на 20 проценти во истиот период.
Фон дер Лајен повтори дека Европа мора да преземе целосна одговорност за својата безбедност. „Ова повеќе не е само опција. Тоа е неопходност“, нагласи таа.
Претседателката на Комисијата истакна дека Европа направила повеќе за својата одбрана оваа година отколку во последната деценија.
„Во последните десет години, вложивме осум милијарди евра во фондот за одбрана, а само оваа година ставивме на располагање 800 милијарди евра до 2030 година“, истакна таа.
Слични новости
Трамп го тужи BBC, бара 10 милијарди долари отштета
Американскиот претседател Доналд Трамп во понеделникoти го тужеше британскиот редиодифузер BBC за клевета поради изменети извадоци од говори поради коишто се чини дека ги упатил своите поддржувачи да упадната во американскиот Капитол, отворајќи меѓународно бојно поле во борбата против медиумските извештаи што ги смета за невистинит или неправедно
САД извршија напади врз три пловила во источен Пацифик
Јужната команда на САД во понеделникот соопшти дека извршила напади врз три пловила во меѓународни води, при што загинале осум мажи
Европски лидери: Мировници предводени од Европа да бидат вклучени во гаранциите за Украина
Одлуките за потенцијални украински територијални отстапки можат да ги донесат само народот на Украина и само откако ќе бидат воспоставени силни безбедносни гаранции, кои треба да вклучуваат мултинационални сили предводени од Европа, изјавија европските лидери во заедничка изјава по состанокот во Берлин во понеделник.