Светското фудбалско раководно тело ФИФА ќе ја разгледа можноста за проширување на Светското првенство во 2030 година на 64 селекции за да ја одбележи стогодишнината од спортскиот настан, објави во четвртокот весникот The New Yokr Times, ненаведувајќи извор.
Светското првенство во 2030 година ќе се одржи во Мароко, Шпанија и Португалија, а Аргентина, Парагвај и Уругвај, кои беа домаќини на првото издание, ќе бидат домаќини на три натпреварa.
Претходниот формат на Светското првенство од 32 селекции веќе е проширен на 48 селекции за следното издание, чии домаќини ќе бидат САД, Мексико и Канада во 2026 година.
Во написот на NYT се наведува дека на крајот од состанокот бил претставен предлогот на уругвајскиот делегат Игнасио Алонсо форматот да биде проширен на 64 репрезентации за Светското првенство во 2030 година. Според неименуван извор, предлогот бил дочекан со „запрепастен молк“ од присутните.
Во написот се додава дека, според три лица кои присуствувале на состанокот, „ФИФА најверојатно ќе се води од финансиските и политичките придобивки, исто колку и од спортските, при одлучувањето за предлогот“.
„(Претседателот на ФИФА) Господинот Инфантино… го опиша предлогот како интересен и достоен за поблиска анализа“, објави The News York Times, што го потврдија „четири лица директно запознаени со дискусиите“.
Слични новости
Тренерот на Фенербахче Мурињо го предупреди Ренџерс да не слави предолго
Тој рече дека не е задоволен од играта на своите играчи, но дека е среќен што загубиле само со два гола разлика, затоа што можеле да загубат и повеќе.
Лејкер водени од Дончиќ и Леброн по продолжение ги совладаа Никс
Иако со многу проблеми, Лос Анџелес Лејкерс дојде до осмата победа во низа откако утринава на домашен терен ги победија Њујорк Никс со 113:109 по продолжение
Нејмар повикан во репрезентацијата по една година
Бразил го повика напаѓачот на Сантос Нејмар за квалификациите за Светското првенство овој месец против Колумбија и Аргентина по повеќе од една година, објави во четвртокот Бразилската фудбалска конфедерација