Фиорентина ја оствари втората највисока победа во историјата на Конференциската лига

Фудбалерите на Фиорентина во четвртокот пред своите навивачи ја постигнаа втората најубедлива победа во историјата на Конференциската лига, совладувајќи го австрискиот ЛАСК со 7:0 (3:0) во натпреварот од 5. коло.

На „Виолите“ им недостигаше само уште еден гол за да го израмнат рекордот на Челзи остварен пред нешто повеќе од еден месец, кога на својот „Стемфорд Бриџ“ во 3. коло го совлада ерменска Ноа со 8:0.

Рикардо Соттил (10, 58) беше двоен стрелец за Фиорентина, Џонатан Иконе (22), Амир Ричардсон (39), Роландо Мандрагора (69) и Алберт Гудмундсон (85-11м) постигнаа по еден гол, додека за 6:0, играчот на ЛАСК, Филип Стојковиќ случајно ја испрати топката во сопствената мрежа.

Фиорентина со убедливата победа привремено стигна до второто место на табелата со 12 бода, а ЛАСК е на 34. позиција со два бода.

Втората најубедлива победа во првиот дел од денешната програма ја оствари белгискиот Серкл Бриж со победата од 4:1 над Олимпија во Љубљана. Два гола за белгискиот тим постигна Казим Олаигбе (2, 81), а по еден Фелипе Аугусто (24) и Кевин Денки (72). Стрелец за Олимпија беше Алехандро Бланко (5).

Љубљанците од 48. минута играа со играч помалку, бидејќи Талисон само две минути по влегувањето во игра доби црвен картон.

Серкл Бриж привремено скокна на петтото место со 10 бодови, додека Олимпија остана на девет бодови и е на 11. позиција.

Во петтото коло Варшавска Легија ги прими првите голови и веднаш го доживеа првиот пораз а сето тоа пред своите гледачи. Швајцарски Лугано победи во Варшава со 2:1 со головите на Матија Ботани (40) и Албиан Хајдари (74), додека Рјоја Моришита (11) постигна гол за Легија.

Легија е на третото место со 12 бодови, а Лугано исто така со 12 бодови скокна на четвртата позиција.

globe

Слични новости