Фудбалерите на Фиорентина пред своите гледачи го совладаа Интер со 3:0 во последниот натпревар од 14. коло во италијанската Серија А, што беше трета првенствена победа во низа за клубот од Фиренца.
На првиот ден од декември минатата година, овие две екипи го започнаа натпреварот од 14. коло, но во 17. минута при резултат 0:0, Едоардо Бове, играчот на Рома на позајмица во Фиренца, колабираше на теренот. Натпреварот поради тоа беше прекинат и продолжи овој четврток кога Бове беше на клупата за резерви играчи на домашната екипа, но сѐ уште не е подготвен да се врати на теренот.
Фиорентина сосема заслужено го совлада актуелниот италијански шампион бидејќи беше подобра во голем дел од натпреварот. Во првото полувреме Кин и Додо пропуштија две одлични шанси за домашните.
Интер беше скршен во вториот дел, во рок од десет минути. Најпрво Раниери погоди прекрасно по корнер од десет метри во 59. минута, додека во 68. минута беше 2:0 кога Кин имаше прецизен удар со глава, по одличната асистенција на Бразилецот Додо. Сето тоа заврши во 89. минута кога Мојз Кин ја искористи грешката на противникот и го постигна својот втор гол за конечните 3:0.
Фиорентина сега има 42 бода и се искачи на четвртото место на табелата. Интер остана втор со три бода помалку од лидерот Наполи.
Слични новости
Познати сите учесници на фајналфорот на Лигата на нации
Домаќинот Германија, Португалија, Франција и Шпанија се учесници на завршниот турнир во Лигата на нации, кој од 4 до 8 јуни ќе се одржи во Минхен и Штутгарт
Белгија им се придружи на Турција, Грција и Србија во елитната група на Лигата на нации
Фудбалските репрезентации на Белгија, Турција, Грција и Србија се пласираа во елитната дивизија од Лигата на нации, откако успешно го завршија плејофот
Србија, Грција и Турција во елитната класа на Лигата на нации
Фудбалските репрезентации на Србија, Грција и Турција се пласираа во елитната дивизија од Лигата на нации, откако успешно го завршија плејофот