Фудбалерите на Фиорентина пред своите гледачи го совладаа Интер со 3:0 во последниот натпревар од 14. коло во италијанската Серија А, што беше трета првенствена победа во низа за клубот од Фиренца.
На првиот ден од декември минатата година, овие две екипи го започнаа натпреварот од 14. коло, но во 17. минута при резултат 0:0, Едоардо Бове, играчот на Рома на позајмица во Фиренца, колабираше на теренот. Натпреварот поради тоа беше прекинат и продолжи овој четврток кога Бове беше на клупата за резерви играчи на домашната екипа, но сѐ уште не е подготвен да се врати на теренот.
Фиорентина сосема заслужено го совлада актуелниот италијански шампион бидејќи беше подобра во голем дел од натпреварот. Во првото полувреме Кин и Додо пропуштија две одлични шанси за домашните.
Интер беше скршен во вториот дел, во рок од десет минути. Најпрво Раниери погоди прекрасно по корнер од десет метри во 59. минута, додека во 68. минута беше 2:0 кога Кин имаше прецизен удар со глава, по одличната асистенција на Бразилецот Додо. Сето тоа заврши во 89. минута кога Мојз Кин ја искористи грешката на противникот и го постигна својот втор гол за конечните 3:0.
Фиорентина сега има 42 бода и се искачи на четвртото место на табелата. Интер остана втор со три бода помалку од лидерот Наполи.
Слични новости
Клиперси го победија Сакраменто по продолженија 111:110
Кошаркарите на ЛА Клиперс утринава на свој терен по продолженија го победија Сакраменто со резултат 111:110. Најефикасни во екипата на Клиперс беа Џејмс Хардen со 29 коша и 11 асистенции, а Ивица Зубац постигна 22 коша и 14 скокови.
Најтежок домашен пораз на Јуве по шест децении
Аталанта му го нанесе најтешкиот пораз на Јувентус на домашен терен во последните 60 години. Во дербито од 28. коло на италијанското фудбалско првенство, Аталанта го понижи Јувентус со 4:0 во Торино, остварувајќи ја првата победа на последните девет меѓусебни средби
Реал Мадрид со победа скока на второто место
Фудбалерите на Реал Мадрид го совладаа Рајо Ваљекано со 2:1 на домашен терен во 27. коло од шпанското првенство и се искачија на второто место на табелата