Претседателот на СДСМ, Венко Филипче, по завршувањето на вториот круг од локалните избори 2025, им честиташе на граѓаните за достоинственото гласање. Тој истакна дека покрај трите освоени градоначалнички места во првиот круг, СДСМ има победи и во три општини од вториот круг — Центар, Македонска Каменица и Зрновци, и изрази надеж за уште неколку општини каде што разликата во гласови е мала. Воедно, најави политички и кадровски промени во СДСМ.
Филипче упати честитки до сите новоизбрани градоначалници, но, ја критикуваше, како што рече „деструктивната власт на ВМРО-ДПМНЕ“, обвинувајќи ја за притисоци врз кандидатите и злоупотреба на институциите.
„Изминатите две недели се вршеше огромен притисок на сите кандидати од 17-те општини каде што влеговме во втор круг. Не се бираа средства ниту методи и тоа само говори дека се соочуваме со истата деструктивна власт на ВМРО-ДПМНЕ, како во минатото, која ги злоупотребува сите институции кои ги има под контрола“, рече тој на вечерашната прес-конференција.
Согласно изборниот резултат на советничките листи, Филипче информираше дека СДСМ е втора партија во земјата и прва во опозицискиот блок.
„Ова е поттик да продолжиме понатаму силно да се бориме против оваа Влада која никогаш повеќе нема да има таква подршка како на изборите минатата година – рече тој.
Претседателот на СДСМ посочи дека овие избори, како што рече, се јасен патоказ за СДСМ и за него како претседател.
„Јасно е какви политички и кадровски промени треба да се направат, и тие ќе се случат во наредните денови, ќе има седници на Извршниот одбор и на Централниот одбор на кои ќе ги обзнанам тие промени. Секако ќе планираме и конгрес на кој ќе се дискутираат политиките за следниот период“, изјави Филипче додавајќи дека не размислува за оставка бидејќи е на функцијата кратко време.
Потврди дека потпретседателката Ана Чупеска поднела оставка, а во однос на прашањето дали се најавени други оставки, рече дека јавноста наскоро ќе биде информирана за дополнителни кадровски решенија.
Слични новости
Арсовски бара извинување од СДСМ: Немам никаква врска со сопствениците на фирмата „Дигитал оне“
Ниту го познавам човекот кој е сопственик на фирмата, ниту сум го сретнал, ниту знам како изгледа, ниту ми е роднина по било која основа. Единствено што е исто е презимето. Немам никаква врска со никаков тендер, ниту пак сум имал било каква врска со државни тендери, изјави поранешниот портпарол на ВМРО-ДПМНЕ
Андоновска: Со одобрување на Заев, Филипче и Николовски се празнеле и препродавале стоковите резерви на црните пазари
И покрај укажувањата дека пченицата постоела и била употреблива, направен е записник што го тврди спротивното, т.е документ со контрадикции, кој сепак е прифатен на владина седница. Тоа значи дека Заев, Николовски и актуелниот претседател на СДСМ во опозиција, Венко Филипче, како дел од тогашната владина структура, формално легитимирале документ што не кореспондирал со фактичката состојба на терен, обвинува ВМРО-ДПМНЕ во врска со скандалот со отпис на 2.000 тони пченица и јачмен од стоковите резерви.
Димитријевиќ: Девет милиони евра тендери за фирма со двајца вработени, отворена пред една година, крадењето мора да запре
Фирмата ’Дигитал оне’, е формирана на крај на август лани и сите овие тендери со владини и државни институции се во период од мај-ноември 2025. Фирма без историја, без искуство, без портфолио – регистрирана за трговија со информатичка и комуникациска опрема добива речиси девет милиони евра за само шест месеци, велат од СДСМ