Претседателот на СДСМ, Венко Филипче, во интервју за Радио Слободна Европа остро ја критикуваше актуелната состојба во здравствениот сектор, обвинувајќи ја Владата за крајно неодговорно водење на здравствените политики.

„Сметам дека крајно неодговорно се водат политиките во секторот здравство. Има бројни проблеми. Колегите навистина укажуваат на тоа дека системот не функционира како што треба“, изјави Филипче.

Смета дека на чело на многу клиники се поставени директори без потребното искуство, што дополнително го влошува функционирањето на здравствениот систем.

 

„Донесени се и поставени менаџери или директори на клиниките коишто немаат искуство како тоа се прави. Има директори на клиники коишто ниту оперираат на хируршките клиники, немаат ниту една операција како се поставени на функција, а ги водат стручните колегиуми. Има директори коишто се пишуваат за дополнителни дежурства да земат само пари, без физички да бидат присутни на ниту едно дежурство на клиниките“, посочи Филипче.

Филипче истакна дека хаосот во здравствениот сектор најдиректно ги погодува пациентите, кои се соочуваат со долгoчекани термини и недостиг на лекови.

„Огромни се листите на чекања, нема лекови – сето тоа укажува на тотална незаинтересираност од страна на менаџментот и на Министерството за здравство во делот на манаџирањето на клиниките. Беа многу критикувани формите на т.н. реверс – но тоа е систем којшто секогаш обезбедуваше лекови за нашите пациенти“, посочи тој, истакнувајќи дека последиците од нефункционалниот систем се фатални.

„Цената којашто се плаќа се човечки животи коишто во меѓувреме не можат да ја примат соодветната терапија“, предупреди Филипче.

СДСМ бара итна реакција од Владата и Министерството за здравство, со цел да се заштитат пациентите и да се спречат поголеми штети во здравствениот систем.

globe

Слични новости

Јаневска се надева дека факултетите ќе им излезат пресрет на студентите, задоволна од реакциите за гиманзиското образование

Јаневска се надева дека факултетите ќе им излезат пресрет на студентите, задоволна од реакциите за гиманзиското образование

Верувам дека факултетите како и секогаш ќе им излезат во пресрет на студентите. Министерството е тука да посредува, како што и секогаш тоа го правело, затоа што овде МОН нема ингеренции, изјави министерката Весна Јаневска во врска со реакцијата на Универзитетското студентско собрание (УСС) на УКИМ на зголемените трошоци при упис на семестар на некои факултети и нивното барање да имаат средба со министерката

Поскапува парното за 5,03 проценти

Поскапува парното за 5,03 проценти

Парното поскапува за 5,03 проценти, информира на денешната прес-конференција на претседателот на Регулаторната комисија за енергетика (РКЕ) Марко Бислимоски

Отворен првиот Европски дигитален иновациски хаб во земјата

Отворен првиот Европски дигитален иновациски хаб во земјата

Министерот за дигитална трансформација, Стефан Андоновски, во својот говор ја истакна важноста на овој проект за унапредување на дигиталната конкурентност на земјата. „ИННОФЕИТ ЕДИХ е првиот ваков Хаб во земјата